1 Samuel 15:13 - Nobonob Baibel

¹³ Amu Samuel nug nai amu doya, nug Saul dim lamitta ukka te, Saul nug Samuel amegppa aum. “Yawe Nug na itidkkunu ool daatte. Da Yawenu nai aakku dim lamitten, Nug da aɗi hekkulnu aum amu, da aakku hemi,” awa aum.

1 Samuel 15:13 ပူးပေါင်းရင်းမြစ်များ

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Genesis 3:12

Yawe Kayak Nug anam oɗ mette amu, danab nug aum. “Ah imu na da meɗame amu, nug ad meu meɗe lami,” awa aum.

2 Samuel 2:5

Aeg doya, Dawit nug Jabes Gileat danab dooglagnu nai imu me, ahilagppa ukkom. “Ag Saul, ihinig okkai, ag nuhignu oo mauhaknab doon, ag nug gaɗa aon uɗin boumppig amunu, da Yawe Nug ag itittak ena madakkunu ool daatte.

Prowerb 27:2

Na aib na nakka binan humame; uuppe, laa nug na humittaɗ! Na uuppe, laa nug na humittaɗ; nakka nakka iitta!

Prowerb 28:13

Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Prowerb 30:13

Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Prowerb 31:31

Nug nuhig hakppa, nuhig oiyakppa ele nob ena aokkunu daatte amunu, ag metteg! Ikki danab ag ahilag qagmak aben aab ahilag odppa daatte, ag appa daanna, ag ele nuhig haknu binag meig!

Luk 17:10

Amubia ag ele keeke oh Kayak aum amu ag hena malona, ag, ‘Ig am maɗi nid, ig keeke hemut ele amu, ig ihinig uɗat aakkuib hemut amunu, ig binanig aognignu elele ii daattem,’ aon akkulag,” awa aum.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Ikki Danab 17:2

Deɗ laa nug anig amegppa aum. “Na yabhoi danab laa 13 kilogram silwa nahip yab awe, na nug eheɗ laa awaknu anak waappa daakkunu amenu amu, na mattieye da doomi. Silwa amuam iikku daatteb. Da aakkuib keeke amu akkami,” awa aum. Nug anam anig amegppa a, ⌊eheɗ laa awaknu anak waappa daakkunu meu bemanu⌋, anig nug aum. “O nid dahil, Yawe Nug na itittaɗ!” awa aum.

Rut 3:10

Rut nug anam a amu, Boas nug aum. “O aɗel, Yawe itidkkunu ool daatte. Na ahipannu oo mauhaknab doon ehanidnana, gemu kobol amu tuɗidna, kobol ena okkainab hettem. Aɗinu? Na nid bau, danab enub ele, o danab enub iitta amu, na nid bau amu laa aolomnu daame, amge na amu oh na uuna, dahilppa uɗime.

1 Samuel 13:10

Saul nug manaknu ofa amu mana male, haen amuppanab Samuel nug beum. Nug be, Saul humidkkunu gumitta waum.

1 Samuel 15:11

“Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.

1 Samuel 15:20

Samuel nug anam a amu, Saul nug aum. “Iitta! Da Yawe oɗe dim lamidmi. Da Yawe Nug da aɗi hekkulnu aum amu, da ukken hemi. Da Amalek danab ah aɗi, amu ahilkad keeke oh ele hei, am Yawenuib nuhig pelemppa daatteb, amu da ahilag king, Agag, da nug awe uɗimi.

1 Samuel 15:9

Saul, nuhikkud daup ele ag anam heppig, amge ag Agag qeeg ii mauhom; aria ag sipsip enanag, makau enanag, makau gaiɗ, balat ele enanag, amu sipsip gaiɗ, balat enanag ele, keeke laa oh ena dayom amu, ag amu ele heppeg, Yawenuib nuhig pelemppa daaglagnu uun, ag heeg, Yawenuib, pelemppa ii daappig. Ag doɗ ohnab, keeke laa ohnab ele heppeg, Yawenuib nuhig pelemppa daaglagnu uun, ag doɗ, o keeke nau, o doɗ, o keeke gai-iitta aakkuib, ag heeg, Yawenuib nuhig pelemppa daappig.

1 Samuel 23:21

Sip danab ah ag anam aeg, Saul nug ag amelagppa aum. “Ag dahilnu oolag dootte amunu, da Yawe Nug itittak ena ag madakkunu ool daatte.

1 Samuel 25:14

Am Dawit nug nuhikkud danab ele ag anam heegeg amu, Nabalnu maɗi nid laa ukka, Abigel, Nabal wau, nug amegppa aum. “Dawit nug nuhikkud danab laala maatte, ag atu taɗakppanu uɗin, ihinig naɗi Nabal humittak nai mettaglagnu uɗippig, amge Nabal nug awa awa qettak nai baag okkaippa eum.