1 Samuel 15:12 - Nobonob Baibel

¹² Samuel nug tuqan amu oh anam ha, buttua nug aha, Saul mattia anidkkunu ukkom, amge laa nug nug amegppa aum. “Iitta. Saul nug Karmel ukkom. Ukka, appa amu nug men okkai laa, danab ah ag amu anidna, Saul dabmena, binag mekkulagnu qappe dayeye, nug eɗua Gilgal ukkom,” awa aum.

1 Samuel 15:12 ပူးပေါင်းရင်းမြစ်များ

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

2 Samuel 18:18

Amu Apsalom ii mauhom haenppa, nug bau dayaya, nug men okkai laa babaitta, nug men amu oolnu noak onig Kingnu Oolnu Noak, aguppa qappe dayom. Nug amu heumnu diig am nug nukka, nug mattia inam aum. “Da nid danab iitta amunu, danab ah oh ag dahilnu daulag ii atimanu, da men imu ag dahilnu dabmekkulagnu hettem,” awa aum. Nug nukka nug onig men amuppa qataqeum, amu haen amuppa, gemu ⌊nai imu yaak haenppa⌋ ele, danab ah ag men amunu, “Apsalomnu at,” aon atteb.

2 Samuel 23:35

Karmel ted onig Hesro; Arap ted onig Parai;

1 King 18:42

Aria, Ahap nug ee, le ele lakkunu ugekke, Elaiya nug nuhig maɗi nid ele aa goya, Karmel qaukoppa teya, Elaiya nug gomela, duug qiie, iɗu gatekuɗ giɗoɗolahppa noum.

2 Stori 26:10

Amu Usia nug ⌊daup ag aguppa daappeg, kekeɗ ag uɗippeg anadna ban hekkulagnu,⌋ atu taɗakppa ele ⌊ban haknu⌋ lag attan ta ukkak menppa hak ele hattom. Usia nug doɗ kuɗumnab ele. Doɗ amuam qauko okkai diigppa qauko nakok daatteb, amuppa, amu wan uɗemppa ele daappig amunu, nug le aben laala wan moɗppa qagmeeb, doɗ ag lakkulagnu wan moɗ ele buuattom. Amu Usia nug dad hekkunu oo huana heum amunu, nug he, danab kuɗum ag eenu dad nuhig, grepnu dad nuhig ele, qauko nakokppa, oolnu noak wan ittag eleppa daappig amu, danab amu ag aguppa daan atognoadppig.

Josua 15:55

Amu Josua, nuhig ehanittak ele ag aab laala ele Juda madappig. Aab amuam Maon, Karmel, Sip, Juta,

1 Samuel 13:12

amunu, da dabmemi. ‘Pilistia ag ahan, Gilgal ippa uɗin lamigkkulagnu hekkulag, me da Yawe dahilnu ena doya ehanigkkunu doɗ laa ii mane mettami.’ Da amu dabmemi amunu, da manaknu ofa Nug medakkulnunab doyen hemi,” awa aum.

1 Samuel 13:15

Samuel nug Saul amegppa anam awowa, nug aha, Gilgal uua, Gibea, Benyamin wanppa ukkom. Amu Saul nug danab nug ele daappig am ebqe, ahilag ebqak am 600 keeke. ⌊Amu Saul danab amu ele ag ahan, ag ele Gibea, Jonatan dayomppa, appa goppig.⌋

1 Samuel 17:20

Jesi nug anam aum amunu, Dawit nug wagɗe buttuanab aha, nid laa sipsip gumaknu amegppa a gumattette, nug mameg aum bia nug ee awa, Israel dilag ban abenppa ukkom. Israel ban danab ag ban hekkulagnu ahan, ban haknu abenppanab gonana, ahilag ban hak ehanidkkunu ewak heegeg, haen amuppanab Dawit ukka teum.

1 Samuel 25:2

Aria, enub danab laa, nuhig en am okkainab ele, nug onig am Nabal. Nabal nug am Kalep huuppan danab, amu nug appag diig am atu onig Maon, appa. Nug wau onig amu Abigel. Abigel nug iɗu tuqak enanag; nug dabmak pahaettak ele, amge Nabal nug am danab oo nauhe oiyak ele. Nug laa guittak paha medakkunu ha oiyom. Nabal nug meeme 1,000 am sipsip 3,000 ele. Anam amu, nug nuhig wan maha laa aab Karmel guguittak dayom, amu haen laa nug appa sipsip uɗilag hoyak uɗat heum.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.