1 Samuel 14:6 - Nobonob Baibel

⁶ Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

1 Samuel 14:6 ပူးပေါင်းရင်းမြစ်များ

2 Samuel 1:20

Pilistia aɗelkad oolag gamag ahamanu amu, laa nug nai amu Gat appa aib mattieb dooppig. Ao, Pilistia danab, ag iitta aɗi amu, ag aɗelkad oolag gamag ahamanu amu, laa nug nai amu Askelon appa aib mattieb dooppig.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

2 Stori 14:10

Ag uɗieg, Asa nug nuhikkud daup ele ag ahan gona, Sera, nuhikkud daup ele uɗalag tekkulagnu goppig. Ag gona Maresa guguittak teeg, oolnu noak onig Sepata, ag appa ban hekkulagnu bappaidppig.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

Sam 135:6

Yawe Nug habppa, wanppa, yuppa, amu yu unuqagppa ele aɗi hekkunu dabmette amu, Nug hette.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Jeremaia 9:25

Amu Yawe Nug atte. “Isip danab, Juda danab, Edom danab, Amon danab, Moap danab, amu laa ag atu taɗak uma daatte, ag appa daatteb, ag oh gaɗa otaɗak dim lamidtteb. Ag kobol amu ag beɗulagppa hetteb, amge ag gaɗalagppaib anam da dim lamiɗtteb. Ag oolagppa ele da ii dim lamiɗtteb. Israel danab ah oh ele anamib; ag da oolagppanab ele ii dim lamiɗtteb. Anam amunu qinob, haen adekkuppa, da danab ah oh ag gaɗalagppaib da dim lamiɗtteb, ag da oolagppanab ele da ii dim lamiɗtteb amu, da ag bu madakkul.” Yawe Nug anam awa atte.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Namba 10:32

Doppe, ig ele gotu! Yawe Nug keeke ena ena oh ig megakku amu, ig na ele oh amu aognig,” awa aum.

Namba 31:4

Ag heppeg, Israel huu anen anenppanu danab 1,000 ag Midian danab ele ban hekkulagnu ukkeg!” awa aum.

Matyu 19:26

Ag anam aeg amu, Jesus Nug ag tutukku neekkattatta, amelagppa aum. “Danab ag akka elele iitta, amge Kayak Nug keeke oh hekkunu elele,” awa aum.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Josua 14:12

Amunu, na da wan maha qauko qauko ele umu, Yawe Nug dahil daakkununab deɗ amuppa nai ana qakkom amu, na amu meɗakutnu oɗ medattem. Aɗinu? I lokkumakppa atu italak danab daaɗ oiyuɗuɗ, i lainti laa ag Anak danab ag aab okkai, ag am aab ɠagattag aɗ ele amuppa daaegeg, ag amunu mattiegeg, na doome, amge Yawe Nug da ele daagnih, amu Nug heeb, da geha Nug aumbia, da wan amuppan danab lamatten eɗadkkul,” awa aum.

Ikki Danab 15:18

Aakku Samson nug le baag huananab diie, nug Yawe unuqitta aum. “Na da, nahip maɗi nid, na da ehaniɗe, da imu oh eɗadmi. Gemu da le baal eheɗnab diitte amunu, da mauhak bia daappi, gaɗa ii otaɗak danab imu ag aɗailkkulagte?” awa oɗ mettom.

1 Samuel 14:5

Bai laa heqo laih, yawalti uɗitteppanu dayom, amu aab onig Mikmas atu amuppa dayom. Bai laa heqo laih, yau uɗitteppanu dayom, amu aab onig Geba atu amuppa dayom.

1 Samuel 14:7

Jonatan nug anam mattie, nuhig bannu keeke mawaknu nid nug amegppa aum. “Na aɗi dabmettem amu, na anamib he! Da meul ohppa na ehanidkkulnuib daattem,” awa aum.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.

1 Samuel 17:46

Gemu, geha iikku, Yawe da ehaniɗeb, da geha na nidappi mauhppe, da na ikkin okkule aokkul. Laa ele, gemu da geha Pilistia ban danab beɗulag amu, da ai, doɗ ele madappi lakkulag. Da geha anam heppi amu, dimppa danab ah huu wan ohppa ag ig Israel, ig oonigppa amu, Kayak genab Nug daatte dooglag.

1 Samuel 17:47

Laa ele, danab oh ippa daatteb amu, geha ag Yawe Nug danab ah nuhikkud ehanadkkunu amu, Nug qep elab, ban ele ii dabmette dooglag. Nuhig neekkakppa amu, qep elab, ban ele am keeke hamu; keeke okkai iitta. Aɗinu? Nug ban gumatte amunu, Nug gemu ig ehanikkeb, ig geha ag eɗadkkunig,” awa aum.

1 Samuel 31:4

Saul nug guittak anam awa, nug danab bannu keeke nuhig maotte ele amegppa aum. “Pilistia danab amu, ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.