1 Samuel 14:52 - Nobonob Baibel

⁵² Amu haen Saul nug king dayeye, nug nuhikkud daup ele ag hanhan Pilistia ele ban eheɗ heppig amunu, haen adekkuppa Saul nug Israel danab laa, nug am danab ebehi ele, o nug am danab nug ooppa ɠagattag doyak ele amu, Saul nug danab amubia antta, nug danab amu nuhig daup daakkunu tituanom.

1 Samuel 14:52 ပူးပေါင်းရင်းမြစ်များ

1 Samuel 13:5

Israel ag appa qagmeegeg, Pilistia ag Israel ele ban hekkulagnu ele aab onig Betawennu kaɗag uɗitteppanu Mikmas appa qagmeppig. Pilistia qagmeppig ele am inam: daup ag bannu karis attan daan, ban hetteb am, 3,000, daup ag hos attan daan, ban hetteb am, 6,000, amu daup ag baelagppa oinna, ban hetteb ele amu, ag am huanaknab, abuɗ yu daugppa daatte, amubia.

1 Samuel 14:47

Amu Saul nug Israel dilag king ba daye, nug nuhikkud daup ele ag Israel dilag kekeɗ oh ele ban heppig; kekeɗ ag ele ban heppig, amuam Moap danab, Amon danab, Edom danab, king laala ag Soba wanppa daappig, ahilkad daup ele, amu Pilistia danab ele. Saul, nuhikkud daup ele ag ban amu hena, kekeɗ eɗadppig.

1 Samuel 8:1

Samuel nug anam haaha, kaino meum. Haen nug kaino ma amu nug he, nug bekoɗ aa beya, Israel dilag epeɗiak danab daapiɗ.

1 Samuel 8:11

“Danab laa, nug ahilag king daakku dayeb amu, king amu nug ahilagppa inam hekku. Nug ag bekkalkad diia heeb, ag ban daup danab daaglag. Daanna, laa ag bannu karis attan daan, ban hekkulagnu daaglag; laa ag hos attan daan, ban hekkulagnu daaglag. Amu laa ag king nug oiyaknu karis nuhigppa laih gokkunu heeb amu, ag baelagppa qaiettan, oiyaknu karis amu noob aon, anuqna gokkulag.