1 Samuel 14:5 - Nobonob Baibel

⁵ Bai laa heqo laih, yawalti uɗitteppanu dayom, amu aab onig Mikmas atu amuppa dayom. Bai laa heqo laih, yau uɗitteppanu dayom, amu aab onig Geba atu amuppa dayom.

1 Samuel 14:5 ပူးပေါင်းရင်းမြစ်များ

1 Stori 3:6

Nug bekkod laa am Ibhar, Elisua, Elipelet,

Aisaia 10:28

O gadon, kekeɗ ag uɗin, aab okkai Aiat, aab amuppa dona uɗin, aab okkai Mikron appa dona uɗiglag. Ag uɗinna, ag ahilag ee, amu keeke laala ele, ag keeke amu aab okkai Mikmas, ag appa mekkulag.

Aisaia 10:29

Appa mewona ag gona, qauko ikki oppoɗu noakppa nona, aab okkai Geba, appa haen tutu dayaknu aab kalaglag. Ag appa niibppeg, danab ah Rama aab okkaippanu ag eheɗ baɗaglag. Baɗappeg, King Saul appag diig Gibeanu danab ah ag ahan, aab uun, ag oolna gokkulag.

1 Samuel 13:11

Amge Samuel nug Saul amegppa oɗ metta aum. “Na aɗi heme?” awa aum. Nug anam ana oɗ mette amu Saul nug oɗeppa awa aum. “Iitta! Da dahilad danab ag ahan, uuiɗna ukkaegeg antten, na ele haen uɗikkutnu ame amu, na haen amuppa ii uɗime anttena, Pilistia danab ele ag Mikmas appa qagmeegeg anidmi

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 13:23

Keeke anam dayom amu, Pilistia dilag okkai ag heeg, ahilag daup laa ag gona, ag ib Mikmas guguittak, qauko ikki oppoɗu noakppa ib meidna daaglagnu gona daappig.

1 Samuel 13:3

Saul he, Israel dilag daup ag anam daanna, Pilistia dilag daup laa, ag aab onig Geba appa daappig amu, Jonatan, nuhikkud daup ele ag ahan, Pilistia amu ele ban heppig. Jonatan aɗi ag anam heeg, Pilistia laa ag doon, ag oolag nauhom amunu, Saul nug aabaabppa Israel danab ag bannu uɗiglagnu nai dooglagnu, nug nai awa ukkak danab ag gona, trampet iwalkkulagnu maatte gona iwalppig.

1 Samuel 14:31

Deɗ amuppa amu Israel ag digmena, aab onig Mikmas appa ag Pilistia aqadna gona, aab onig Aiyalon batak aqadppig. Ag anam hena, ag beɗulag gai-iitta meum.

1 Samuel 14:4

Amu ib qauko ikki oppoɗu noakppa gotte, Jonatan nug ib amu dim lamitta ukka, Pilistia daappigppa gokkunu dabmeum ele amu, aben laappa ib amu heqo laih laih oh bai daapiɗ; bai laih dayom am onig Boses, laih am Sene.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.