1 Samuel 14:39 - Nobonob Baibel

³⁹ Yawe, Nug Israel danab ah, ahilag kekeɗ eppelagppan eɗua diitte amu, Nug genab bau daatte, genab amubia aun nug hipunin heum amu, nug mauhkku. Genab, da bekkal Jonatan nug hipunin amu heum dayeb amu, nug mauhkkuoitte,” awa aum. Nug anam aum, amge danab laa nug nai nakok laa ii mattiom.

1 Samuel 14:39 ပူးပေါင်းရင်းမြစ်များ

2 Samuel 12:5

Natan nug anam a, Dawit oo huana nauhe, nug aum. “Yawe genab bau daatte, genab amubia danab amu nug mauhkku am elele.

2 Samuel 14:21

Ah nug anam a, King Dawit nug Joap amegppa aum. “Am ena, da na dabmeme bia hekkul. Na gona, nid bau Apsalom omalppe uɗieɗ!” awa aum.

Eklisiastis 9:2

Anam amu, danab oh ag daaeg ukke ukke, ag oh ib laippuppa oitteb. Amuam genab tutukku hak danab, nau hak danab ele; danab ena, danab nau ele; danab Kayak ele ouqa dayaknu elele, danab Kayak ele ouqa dayaknu elele iitta ele; danab ag doɗ manadna, Kayak medatteb, danab ag amu ii hetteb. Ag oh ib laippu amuppa oitteb. Danab ena, nuhigppa bette; amubiaib hipunin danab, nuhigppa bette. Danab nug nuhig nai ɠagattag qetta atte, nuhigppa bette; amubiaib laa amu hekkunu baɗatte, nuhigppa bette.

1 Samuel 14:24

Amu Saul nug deɗ amuppa Kayak onig awa, nuhig nai ɠagattag qetta, inam aum. “Israel daup laa nug deɗ imuppa, aam ii noobob, da dahilad kekeɗ nob nau elele ii madappi, ee nakok laa lakku dayeb amu, nug eheɗ laa awaknu anak waappa dayaɗ!” awa aum. Saul nug anam aum, Israel ag oolagppan laa nug ee nakok laa ii laum amunu, ag uug nau daan oippig.

1 Samuel 14:40

Ag anam heppig amu, Saul nug nuhikkud daup amelagppa aum. “Ag laih appa daappeg, da bekkal Jonatan, da ele, i iguppa daagnih,” awa aum. Nug a, laa ag appig. “Na aɗi hekkutnu dabmettem amu, na anam hekkut, aakkuib,” ag appig.

1 Samuel 14:44

Nug a, Saul nug aum. “Jonatan, da genab heppi mauhkkut. Da anam ii hekkul dayeb amu, Kayak Nug bu okkainab meɗakkunu ool daatte!” awa aum.

1 Samuel 19:6

Jonatan nug mameg amegppa anam a amu, Saul nug nuhig nai Kayak onigppa ɠagattag qetta, nug inam aum. “Genabnab genab, Yawe Nug bauklel daatte amu, genab amu bia da heppi, ag Dawit ii qeppeg mauhma,” awa aum.

1 Samuel 20:31

Haen oh Jesi bekka wan imuppa dayebeb, na, nahip ɗo maɗoɗ ele am ɠagattag ii daama. Anam amunu, na gona, nug omalppe ippa uɗiaɗ! Aɗinu? Nug mauhkkuoitte!” awa aum.

1 Samuel 22:16

Ahimelek nug anam aum, amge King Saul nug aum. “Iitta! Ahimelek, na amu na mamen baekkudppa ele ag mauhkkulag,” awa aum.

1 Samuel 28:10

Ah nug anam a amu, Saul nug nai nuhig Yawe onigppa ɠagattag qetta, ah amegppa inam aum. “Genabnab genab, Yawe bauklel daatte, genab amubia na nai dahil dim lamidppe amu, geha nob mettak nau laa nahip-ppa ii bema. Iitta genab,” awa aum.