1 Samuel 14:36 - Nobonob Baibel

³⁶ Ag anam heeg ukke, Saul nug aum. “Ig ahat banelag gota, tuqanppa ig Pilistia danab aqadtata, ahilag keeke aopput ukkeb, wagkkaɗkku. Ig aqapput, laa ii daama,” awa aum. Nug anam a, daup ag, “Na aɗi dabmettem amu, na anam hekkut, aakkuib,” aon appig. Ag anam appig, amge mana mettak danab nug aum. “Tatam ig Kayak amunu oɗ mettagnig,” awa aum.

1 Samuel 14:36 ပူးပေါင်းရင်းမြစ်များ

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Jeremaia 6:5

Anam amunu, ig uupput dayebeb, gatatu neeb, ig tuqan ahapput, ag ele ban hetat, ig aab amunu lag enanagnab hepput nauhkkulag,’ aon akkulag.” Yawe Nukka Ɠagattag Oh Ele Nug anam awa atte.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Josua 10:19

Aria, laa oh ag kekeɗ ag oolna gobeppeg, lamadna gona aqeg! Aib uuadppeg, eɗun ahilkad aab okkaippa goppig. Aɗinu? Yawe, ahilag Kayak, Nug ag danab amu eɗadkkulagnu, eɗittak amu mattom daatte,” awa aum.

Josua 11:14

Ag anam hena, Israel ag keeke ena ena, am makau keeke, banppa agappig ele amu, ag amu oh diippig. Keeke amu oh am aakku ahilagnab dayom, amge ag danab ah amu oh qep elabppa aqaeg mauhadppig. Ag laippu laa iinab uuitteg dayom.

1 Samuel 1:23

Hana nug Elkana amegppa anam a, Elkana nug aum. “Na aɗi hekkutnu ena anidttem amu, na anam he! Na inam daanna, na nid imu huh aɗittona, dimppa na gokkut am ena, amge Yawe nug heeb, na hekkutnu ame amu, na hekkutnu elele daakkutnu ool daatte,” awa aum. Nug anam a, Hana nug aabppa dayeye ukke, haenppa amu nug nid huh aɗittom.

1 Samuel 11:11

Aria, wagɗe buttuanab, amahlak laa digma ii beum, haen amuppa Saul nug he, nug daup ag ameg ewam daaegeg, wagkkaɗeɗe ag ahan, Amon daappigppa gona, Amon ele ban hekkulagnu wappig. Ag ban hena, Amon eheɗ aqaeg ukke, belo meum. Aria, belo me, Amon laippu laippu daappig amu ag oolna matatun gona, anen anen oolppig.

1 Samuel 14:3

Aria, danab Saul ele daappig amu, ag oolagppan laa am Ahaiya, nug am mana mettak danab, nug lamen enanag-epod takkom. Ahaiya mameg am Ikabod awag Ahitup. Aa mamelah am Eli bekka Pinias. Eli am Yawenu mana mettak danab, Silo dayom. Danab 600 Saul ele daappig amu, ag oolagppan laa, nug Jonatan ukkom ii doyom.