1 Samuel 14:35 - Nobonob Baibel

³⁵ Ag anam heeg, Saul nug Yawenu qaɗab qeum. Nug deɗ laa anam ii heum. Iitta! Imuam digmak haen nug amu heum.

1 Samuel 14:35 ပူးပေါင်းရင်းမြစ်များ

2 Samuel 24:25

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Dawit nug amu he, Yawe Nug Dawitnu unuqittak doya, Israel ehanatta he, oɗe nau danab kuɗum aqe mauhtteb ele aakku iitta meum.

Hosea 8:14

Da, Yawe, da Israel danab ah hattami, amge ag dahilnu daulag atie, ag king laulkad okkai okkai buualadppig daatteb. Juda danab ah ag ⌊kekeɗnu baɗan,⌋ ag aab kuɗumppa aɗ keeke heppig. Ag anam heppig, amge da heppi, aab dittia, ahilkad aab okkai, amu ahilkad aab okkai aɗ ɠagattagnab ele eokku.” Yawe Nug anam awa atte.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Ikki Danab 21:4

Ag anam heeg ukke, wagɗe buttuanab danab ah ag qaɗab laa qena, ag manaknu ofa Yawe mettana, ag laippu dayaknu ofa ele qaɗab amuppa Nug medappig.

Ikki Danab 6:24

Aakku Gideon nug Yawenu qaɗab laa appa buua, onig Yawe Nug Maɗoɗ Diig Daatte, aum. Qaɗab amu Opra appa, Abieser buɗub dilag wanppa heum, amu qaɗab amu gemu ⌊nai imu yaak haenppa⌋ ele, appa ana daatte.

1 Samuel 14:34

Nug anam a, ag heeg, nug aum. “Ag danab oolagppa oinna, inam appeg doyeg! ‘Danab anen anen ag makau, o sipsip aon uɗin, ippa baalag otaɗadna tuqana laig! Ag teppu tiig ele lana, Yawenu ɗo tippalna, hipunin aib heppig!’ ” awa aum. Saul nug anam a, danab oh ag doɗ ahilkad tuqan amuppa akkan gona, appa baalag otaɗadppig.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.

1 Samuel 7:9

Ag anam aeg, Samuel sipsip nag, anig huh lanan dayom ele laa awa, qe mauhe, nug doɗ amuppa manaknu ofa kunum heum. Nug mana medatta, nug Yawe Israel ehanadkkunu unuqitte, Yawe doyom.