1 Samuel 14:27 - Nobonob Baibel

²⁷ Saul nug Kayak onig awa, daup ag ee laa ii lamananu nai ɠagattag qetta aum, amge Jonatan nug mamegnu nai amu ii doyom amunu, nug uppuh leppu dayom abenppa ta, nug nuhig dudqak hokkat ikki duttune, uppuh leppun teɗ ooppa no, uppuh leppu nakok laa awa laum amunu, nug beɗu eɗua, ɠagattag qeum.

1 Samuel 14:27 ပူးပေါင်းရင်းမြစ်များ

Prowerb 24:13

O bekkal, uppuh leppu am ena amunu, na la! Ge, uppuh leppu teɗuppanu am lanak ubuhi ele.

Prowerb 25:26

Genab tutukku hak danab nug nuhig dabmak eɗue, nau hak danab dilag hak hette; amuam le qeppuɗia bakppan le laa heeg, muag ele daatte, o le moɗ dubuttid ele daatte, amubia daatte.

1 Samuel 14:28

Jonatan nug uppuh leppu amu lana male, daup laa nug amegppa aum. “Na mamen nug Kayak onig awa, ig nuhikkud daup, ig gemu ee laa lamatanu nai ɠagattag qetta inam aum. ‘Danab laa nug ee laa lakku dayeb amu, nug eheɗ laa awaknu anak waappa dayaɗ!’ awa aum. Nug anam aum amunu, ig daup nuhikkud, ig gai-iitta oittem,” awa aum.

1 Samuel 14:29

Nug anam a, Jonatan nug aum. “Da mamel nug he, Israel oh ag uug dootteb. Imu antte! Da uppuh leppu imu nakok lami amunu, da beɗul paha eɗua ɠagattag qeum.

1 Samuel 14:43

Anam be amu, Saul nug Jonatan amegppa aum. “Na aɗi heme amu, na appe doyei!” awa aum. Nug anam a, Jonatan oɗeppa awa aum. “Da uppuh leppu nakokib dudqak hokkat dahil igippa ye, awen lami. Da amu hemi amunu, da gemu da amunu mauhkkulnu daattem amunu, da mauhkkul,” awa aum.

1 Samuel 30:12

Ee ag medappig am, grep meu qaɗaiettak batappatak aɗit, aria ad fig meu qaɗaiettak batappatak laih ele medappig. Ag ee amu mettaeg, nug ee amu lawowa, nug eɗua ɠagattag nakok awom. Nug eɗua, ena dayomnu diig am, nug deɗ ewam, tuqan ewam ele ee, le ele laa ii laum, amuppa nug ɠagattag nuhig oh iitta meum.