1 Samuel 14:24 - Nobonob Baibel

²⁴ Amu Saul nug deɗ amuppa Kayak onig awa, nuhig nai ɠagattag qetta, inam aum. “Israel daup laa nug deɗ imuppa, aam ii noobob, da dahilad kekeɗ nob nau elele ii madappi, ee nakok laa lakku dayeb amu, nug eheɗ laa awaknu anak waappa dayaɗ!” awa aum. Saul nug anam aum, Israel ag oolagppan laa nug ee nakok laa ii laum amunu, ag uug nau daan oippig.

1 Samuel 14:24 ပူးပေါင်းရင်းမြစ်များ

Sam 18:47

Kayak Nugib Nug he, laa ag dahilppa eheɗ heppig amu, ag amunu nob elele aotteb. Ao, Nug he, wan laappan danab ah ag da waalppa daatteb.

Prowerb 11:9

Danab Kayaknu, nuhig haknu ele uuak dootte amu, nug oɗeppan nai mattiak am mudippan laa he nauhtte; amge genab tutukku hak danab amu, nuhig doyak ena ehanitte, nug qagaiettakppa ii daatte.

Lewitikas 27:29

Amu danab nug nauhkkun Yawenuib nuhig pelemppa daatte amu, laa nug en mettakppa uhuqkkunu elele iitta. Laa nug anam daatte amu, ag nug qeppeg mauhaɗ!

Lewitikas 5:4

Iitta. Aun nug dabmak elele tutukku tatam ii awawa, nug nuhig nai ɠagattag qetta akku amu, nug diig genab tutukkunute, iitta eheɗnute anam hekku, amge nug hekku haenppa nug hamu, dabmak ii awawa, hekku dayeb, diig amunu dimppa haen nug heum doya, nug beɗuppa aab ele daakku.

Namba 21:2

Anam daye, Israel ag Yawe amegppa, genabnab hekkulagnu nai inam anan qagappig. “Na danab imu ig eppenigppa maadppe, ig geha ahilkad aab okkai amu diit hepput, ag nahipnuib, nahip pelemppa daaglag,” aon appig.

Rom 10:2

Da Juda ahilagnu doye aute aottem amunu, da miag atiak iikku attem. Ag am Kayaknu kobol dim lamidkkulagnu ag yag-nab-bak dootteb, amge ag doyak ena iitta ele amu hetteb.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Josua 6:26

Haen amuppa Josua nug nau aomnanu dabmettak nai aum: “Aun laa nug Jeriko aab okkai eɗua buukkun hekku amu, nug Yawe noobppa eheɗ laa awaknu anak waappa daakku. Aun laa nug anam hekku dayeb amu, nug digma buuebeb, nug nid danab tatamnu am mauhkku, amu nug bekka dimnunab am aab okkai eɗua buua malakkun haaha mauhkku,” awa aum.

Ikki Danab 1:28

Ag anam heeg ukke, haen Israel ag ɠagattag ele bena daanna amu, ag Kanan danab ah duttunadna heeg, Kanan ag maɗi nid maɗi ah ele daan, uɗat heppig, amge Israel ag lamadppeg, Kanan danab ah ag wan amuppa iinab daamnanu ii heppig.

Ikki Danab 5:2

“Yawe binag meig! Israel dilag ikki danab ag danab ah ahilkad omaladna, ag ban hekkulagnu noolag aon goppig. Danab ag gamag ahak naɗi doonna, dim lamadna banppa goppig!

1 Samuel 14:25

Ag deɗ amuppa anam hamu daappig, amge deɗ amu ii malakppa Israel daup oh ag atu laa, atu amuppa ad kuɗum daatteb amu, ag atu amuppa tena, appa uppuh leppu huanak ele anidppig. Atu amuppa uppuh leppu ambak dayom, amge danab ag Saulnu nai Kayak onigppa ɠagattag qak, ag ee ii lamananu aum doon, lanaknu baɗappig amunu, danab laa nug uppuh leppu amu nakok laa iinab laum.

1 Samuel 14:39

Yawe, Nug Israel danab ah, ahilag kekeɗ eppelagppan eɗua diitte amu, Nug genab bau daatte, genab amubia aun nug hipunin heum amu, nug mauhkku. Genab, da bekkal Jonatan nug hipunin amu heum dayeb amu, nug mauhkkuoitte,” awa aum. Nug anam aum, amge danab laa nug nai nakok laa ii mattiom.

1 Samuel 18:25

Ag Saul amegppa anam aeg, Saul nug he, ag Dawit amegppa akkulagnu eɗun goppig. Ag nug amegppa inam akkulagnu aum. “Aɗeg daden en amu, king nug keeke laalanu oo ii daatte. Iitta. Nug inamnu oo daatte. Geha na gona, Pilistia ban danab 100 aqappe mauhppeg, geha na hipalag gaɗa amu otaɗadna, akkan Saul toppa uɗie, amu geha ah daden daakku. King nug Pilistia ag kobol nau kuɗum ig Israel ihinigppa heppig doya, nug Pilistia ag amunu nob nau aoglagnu laa amu, ag anam mauhkkulagnu oo daatte.” Saul nug ag Dawit amegppa anam akkulagnu aum, amge Saulnu dabmaknab am, “Geha Pilistia ag banppa Dawit qeppeg mauhkku,” dayom.