1 Samuel 14:23 - Nobonob Baibel

²³ Amunu deɗ amuppa Yawe Nug Israel ehanatta, Pilistia eppelagppanu diiom, amu Israel ag Pilistia lamadna gona, aab onig Betawen eɗidna goppig.

1 Samuel 14:23 ပူးပေါင်းရင်းမြစ်များ

2 King 14:27

Yawe Nug anukka heeb, Israel oh ag iitta mena autna aoppeg, hab waappa amu, danab laa nug ahilagnu baula dab-ii-memanu, Nug ii aum. Iitta amunu, Nug Jehoas bekka, King Jeroboam ehanitte, Israel ag padal memananu nug ehanattom.

1 Stori 11:14

Amge Dawit, Eleasar ele aa dad okkai amu gamagppa daayya, Pilistia ag aomnanu ban heyaya, Pilistia aqeh mauhppig. Yawe ehanate, aa aqeh mauhppig amunu, aa eppelahppa Yawe Nug Israel ehanittak okkai mattom.

2 Stori 32:22

Yawe Nug anam heum amunu, Nug Hesekaia, Jerusalem danab ah ele ehanatte, ag Asiria dilag king, Senakerip eppegppa ii daappig. Amu Yawe Nug ha, nug Juda danab ah ag kekeɗ laa eppelagppa daamnanu ele ehanattom. Nug ib kuɗumppa atognoatta he, wan laala ag taliliadna daappig amu, ag danab amu ele maɗoɗ ele daappig.

Eksodas 14:30

Amu Yawe Nug deɗ amuppa Israel, Isip eppelagppanu eɗua diie, Israel ag Isip danab mauhadppig amu, langppa niiegeg anadppig.

Hosea 1:7

Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.

Duteronomi 20:4

Ag ii baɗamnanu diig am, Yawe, ahilag Kayak, Nug ag ele daatteb! Nug ag kekeɗ aqaglagnu ag ehanatta, ban heeb, ag kekeɗ eɗadkkulag!” awa akku.

Josua 7:2

Amu Israel ag Jeriko eɗidna malaeg, Josua nug lokkumakppa atu italak danab maatte, aab onig Ai, Betelnu laih aam bedeppanu daatte, Betawen guguittak appa, atu italkkulagnu, “Ag gona, wan atu amu italeg!” ana, nug he goppig. Josua nug anam ana heum amunu, ag gona, Ai italppig.

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

1 Samuel 13:5

Israel ag appa qagmeegeg, Pilistia ag Israel ele ban hekkulagnu ele aab onig Betawennu kaɗag uɗitteppanu Mikmas appa qagmeppig. Pilistia qagmeppig ele am inam: daup ag bannu karis attan daan, ban hetteb am, 3,000, daup ag hos attan daan, ban hetteb am, 6,000, amu daup ag baelagppa oinna, ban hetteb ele amu, ag am huanaknab, abuɗ yu daugppa daatte, amubia.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.