1 Samuel 14:16 - Nobonob Baibel

¹⁶ ag oolegeg, Saulnu daup ag kekeɗ maadkkulagnu, Benyamin wanppa aab onig Gibea, aab amu guguittak daappig, ag Pilistia dilag daup oolegeg anadna,

1 Samuel 14:16 ပူးပေါင်းရင်းမြစ်များ

Sam 58:7

Na heppe, ag le wan qaɗaiettakppa noa iitta mette bia iitta mekkulagnu oɗ medattem. Ao, na heppe, ag eppelagppa bannu keeke aɗatteb amu, keeke amuam hamu bia daakkunu unuqidttem.

Sam 68:2

O Kayak, ulah kahug iwale gotte bia, na ag lamadppe gokkulagnu ool daatte. Yo, nau hak danab ag uppuh biig aab gakkaɗakppa gakkaɗa, le mette bia, Kayak Nug heeb, ag nauhkkulagnu ool daatte.

Aisaia 19:2

Yawe Nug inam atte. “Da heppi, geha Isip ag akka akka nug qekkulag; awag amag ag geha akka akka nug qekkulag, lailkad ele akka akka nug qebeppeg, aab okkai laa ag aab okkai laa ele nug qebeppeg, amu wan obatak laa, ag wan obatak laa ele nug qekkulag.

Ikki Danab 7:22

Haen 300 Israel danab ag ahilkad trampet iwaleg amu, Yawe he, ban danab haen tutu dayaknu aab kalak ooppan, ag akka akka qep elabppa nug qeppig. Laa ag ii aqappig ele amu, ag oolna goppig. Ag oolna, Betsita, Serera guguittak appa goppig. Appanu amu, ag Abel Mehola tomppa goppig. Abel Mehola amu Tabat guguittak daatte.

1 Samuel 14:15

Jonatan, nuhig bannu keeke mawaknu nid ele aa anam heeh, Pilistia dilag daup laa oh, laa ag haen tutu dayaknu aab kalak ahilagppa daaegeg, laa ag haen tutu dayaknu aab kalak dimittim daappig ele amu, ag amu doyeg, wan uɗale, Kayak he, ag eheɗ baɗan,

1 Samuel 14:17

ag Saul amegppa amunu aeg, Saul nug, daup laa nug guguittak daappig amelagppa aum. “Ag dahilad daup ebaqadna, aun nug ii daatte antteg!” awa aum. Nug anam a, haen ag anam hena amu, ag Jonatan, nuhig bannu keeke mawaknu nid ele, aa ii daapiɗ anidppig.

1 Samuel 14:20

Anam ukke, Saul he, nuhikkud daup oh ag qagmeeg, Saul ag ele oh ban hekkulagnu goppig. Ag gona, Pilistia ag kaaka aqe, ag akka akka qep elabppa nug qena aqaegeg anidppig.