1 Samuel 13:9 - Nobonob Baibel

⁹ Ag digmen oolppig amunu, Saul nug aum. “Ag manaknu ofanu doɗ, amu laippu dayaknu ofanu doɗ ele akkan doppeg, da manaten, Kayak medakkul,” awa aum. Nug anam a, ag aon doeg, nug manaknu ofa heum.

1 Samuel 13:9 ပူးပေါင်းရင်းမြစ်များ

2 Samuel 24:25

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Dawit nug amu he, Yawe Nug Dawitnu unuqittak doya, Israel ehanatta he, oɗe nau danab kuɗum aqe mauhtteb ele aakku iitta meum.

1 King 3:4

Gibeon, aab amuppa amu, aabppanu mettid lag nakok anuqak aguppa dayom amunu, deɗ laa Solomon nug mana mettak hekkunu Gibeon ukkom. Ukka, nug doɗ 1,000 aqa, qaɗabppa manaknu ofa haaha manatta, Yawe mettom.

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 20:22

Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Duteronomi 12:6

Am Yawe Nug aben laa ag Nug noobppa dup nona binag mekkulagnu ippuanatteb amu, ag manaknu ofa, mana mettak laala, keeke obatak eblaih tanig ele ooppanu obatak laippu Kayak mettak, keeke Kayak hamu ɗo mettak, nai genab ana qakkaknu ofa, amu laippu dayaknu ofa, makau, amu sipsip ele nalkad ⌊dawai⌋ tatamnu ele oh, ag aben amuppa Yawenu akkan wakkulag.

1 Samuel 14:18

Amu haen amuppa Kayaknu Tituanak Nainu Kunup Gibea appa, Israel dilag ban danab daappigppa dayom amunu, Saul nug Ahaiya, nug am mana mettak danab, nug nug amegppa aum. “Na Kayaknu Tituanak Nainu Kunup aon uɗie!” awa aum.