1 Samuel 13:7 - Nobonob Baibel

⁷ Israel laa ag anam lokkumna daanna, laa ag ahan, Jodan leppa, le baag qak daattebppa, ag appa le mataɗna, Israel dilag wan laih laa, am Israel dilag huu okkai Gadnu wan, amu Israel wannu laih Gileat, ag appa ele gona, lokkumna daappig. Amu Israel danab laa ag gona, anam lokkumna daaegeg, Saul nug Gilgal appa dayeye, nuhikkud daup laa, ag lokkumak daaglagnu ii oolppig amu, ag appa nug ele daappig amge ag huan baɗaeg, beɗulag hahaɗom.

1 Samuel 13:7 ပူးပေါင်းရင်းမြစ်များ

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Duteronomi 20:8

Ban daup ikki ag anam awona, ag tuɗidna, inam ele akkulag. “Aun laa na baɗak, o na ban haknu elele ii doottem? Na anam bia doottem dayeb amu, na laa amu ippunidppe, nug ele anam doya, nug baɗa, ban ii hemanu na aabppa ukke!” Ag amu ele akkulag.

Duteronomi 28:25

Yawe Nug heeb, ahilkad kekeɗ ag eɗadkkulag. Am ag kekeɗ ahilkad, ag ib laippu amuppaib banelag gona, aqaknu ban hekkulag, amge ag ib kuɗumppa ahilag kekeɗ noolagppanu oolna gokkulag! Ahilagnu amu, wan atu ohppan danab ah ag, ag anadna, amelag iɗuak dooglag.

Duteronomi 3:12

Ig wan amu ihinig daakkunu aot, da wan maha Aroernu ukkak, Arnon oolnu noak eleleppa daatte, amu Gileatnu wan qauko qauko ele, amunu maha laa ele, nuhig aab oh ele, da wan amu Israel dilag huu okkai Ruben, amu Israel dilag huu okkai Gad ele mattami.

Josua 13:11

Amu Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan laih laa, amunu ukkak am, Gileat wan ⌊maha⌋, Gesur danab, Maka danab ele wanelag awa, qauko Hermon oh, amu Basan wan oh ele ukka Saleka batak.

Josua 13:8

Aria, Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan, Jodan laih kaɗag uɗitteppanu, ag aulag daakkunu amu, wan amu otia mattak, wan amu Yawenu maɗi nid Moses nug matu obata otia mattom.

Ikki Danab 7:3

Anam amunu, ag anam amananu, na nahip ban danab inam appe doyeg! ‘Aun laa nug baɗe, beɗu hahaɗtte, nug eɗua aha, aabppa ukkaɗ!’ Na anam appe doyeg!” awa aum. Yawe Nug anam Gideon amegppa a, Gideon nug ban danab amelagppa a, 22,000 danab ag eɗun aabppa goppig. Ukkaegeg, ban hekkulagnu amu, danab 10,000 aakkuib daappig.

1 Samuel 13:8

Ag anam daappig, amge Samuel nug matu Saul amegppa, “Na Gilgal gona, deɗ eblaih aɗit ele da amel men daappe, da nahip-ppa gokkul,” aum, amunu Saul nug Samuel deɗ eblaih aɗit ele ameg ma dayom, amge Samuel nug ii uɗiom. Nug ii uɗie, Saulnu daup laa appanu, ag ele ahan oolkkulagnu digmen heppig.

1 Samuel 17:11

Goliat nug anam e, Saul amu Israel ban danab laa ele ag doyeg, ag oolag uug nau qe, ag eheɗ nau baɗappig.

1 Samuel 31:7

Saul nug, amu laala ele ag anam mauheg, Israel danab ah oolnu noak onig Jesril heqo laih daatteb, amu Israel le Jodan heqo laih appa daatteb, amu ele, ag Israel ban danab oolna ukkaeg anattona, ag Saul, nug bekkod ele mauhppignu nai ele doyona, ag ahilkad aab uun, oolna goppig. Ag oolna ukkaeg, Pilistia danab ah ag uɗin, aab amuppa daappig.