1 Samuel 13:19 - Nobonob Baibel

¹⁹ Amu Pilistia ag Israel laa nug aha, qep elab, o ban aenppa hak hekkunu uun autna aoppig amunu, ⌊ag heeg,⌋ Israel wanppa danab nug keeke laa aenppa hekkunu laa ii dayom.

1 Samuel 13:19 ပူးပေါင်းရင်းမြစ်များ

2 King 24:14

King Nebukatnesar nug Jerusalem danab ah 10,000 diia, Babilon ukkom. Amu oolagppa am anuqak danab oh, ban danab enanag, danab keeke laala haknu doyak okkai ele, amu ele. Nug ag oh diia, Babilon ukkom. Nug anam heum amu, danab keeke ohnu tutunab daappig ele, amuib uuatte, Juda wanppa daappig.

Aisaia 54:16

Antteg! Danab nug aab ila, gakkaɗaknab eokkunu iwalala, bannu keeke aab amuppa bappaidtte amu, da Yawe, da danab amu hemi. Da ele daup ag keeke laa hetteb ele, ag keeke amu aon gona, ban henana, danab aqadtteb amu, da daup amu ele hattami.

Jeremaia 24:1

Babilon dilag king Nebukatnesar nug uɗie, nug Jehoiakim bekka Jehoiakin, Juda dilag king, aria nuhikkud ehanittak anuqak, Judanu danab uɗat laala haknu doyak okkai ele, nug ag ele Jerusalemnu diia ukka he, ag Babilon appa diia ukka laih me dayak danab daappig. Nebukatnesar nug anam heum, dimppa Yawe Nug da Jeremaia, Nug da kaleg aɗit ad fig meu inak ele Yawenu mettid lag noobppa daaeheh ippuniɗom.

Ikki Danab 5:8

Israel ag Yawe dim lamidkkulagnu uun, kayak hambuppuak laala dim lamadkkulagnu heeg, kekeɗ ag uɗin, ban hekkulagnu daappig. Ag uɗippig, amge ig ihinkad ban danab 40,000 oolagppa, guppiɗ, o ban laa anidkkunignu elele iitta!

1 Samuel 13:20

Amunu Israel oh ag hebeb, o wan buuaknu keeke, o sarip, o halu ahilag uɗikkaknu amu, ag ahan, maon gona, Pilistia danab laa mattaeg, nug uɗigttom.