1 Samuel 13:15 - Nobonob Baibel

¹⁵ Samuel nug Saul amegppa anam awowa, nug aha, Gilgal uua, Gibea, Benyamin wanppa ukkom. Amu Saul nug danab nug ele daappig am ebqe, ahilag ebqak am 600 keeke. ⌊Amu Saul danab amu ele ag ahan, ag ele Gibea, Jonatan dayomppa, appa goppig.⌋

1 Samuel 13:15 ပူးပေါင်းရင်းမြစ်များ

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 14:2

Amu haen amuppa Saul nug aab onig Gibea, aab amu daugppa, ee aeg mumuɗaknu abenppa, appa dayom. Aben amuppa am ad laa onig pomigranet daye, Saul nug ad amu waappa dayom. Danab, ebqak ahilag am 600 keeke, ag nug ele aben amuppa daappig.

1 Samuel 15:12

Samuel nug tuqan amu oh anam ha, buttua nug aha, Saul mattia anidkkunu ukkom, amge laa nug nug amegppa aum. “Iitta. Saul nug Karmel ukkom. Ukka, appa amu nug men okkai laa, danab ah ag amu anidna, Saul dabmena, binag mekkulagnu qappe dayeye, nug eɗua Gilgal ukkom,” awa aum.