1 Samuel 13:12 - Nobonob Baibel

¹² amunu, da dabmemi. ‘Pilistia ag ahan, Gilgal ippa uɗin lamigkkulagnu hekkulag, me da Yawe dahilnu ena doya ehanigkkunu doɗ laa ii mane mettami.’ Da amu dabmemi amunu, da manaknu ofa Nug medakkulnunab doyen hemi,” awa aum.

1 Samuel 13:12 ပူးပေါင်းရင်းမြစ်များ

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Amos 8:5

Ag akka ag inam atteb. “Kalam baunu qagmak gamag ahak ele imu paha iitta meeb, ig gota, ig ee daden maknu abenppa laa daden mekkulagnu ee mekkunignu oonig hette,” aon atteb. Ao, ag, “Ig Sabat imu iitta meeb, ig gota wit dadennu mekkunignu oonig daatte,” aon atteb. Ag maket henana, ag doonna skel eheɗppa uɗat heeg, keeke danab aotteb ele am happiak, elele ii aon, men doɗo amunu awaknu ele, eleleppa ii aotteb. Iitta. Ag men doɗo attan tak mattan aotteb.

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

1 Samuel 13:11

Amge Samuel nug Saul amegppa oɗ metta aum. “Na aɗi heme?” awa aum. Nug anam ana oɗ mette amu Saul nug oɗeppa awa aum. “Iitta! Da dahilad danab ag ahan, uuiɗna ukkaegeg antten, na ele haen uɗikkutnu ame amu, na haen amuppa ii uɗime anttena, Pilistia danab ele ag Mikmas appa qagmeegeg anidmi

1 Samuel 13:13

Saul nug Samuel amegppa anam a amu, Samuel nug eɗua, nug amegppa aum. “Na heme amu, amuppa na dabmak tutukku iittappa heme. Na Yawe, nahip Kayak, na nuhig nai ii dim lamidme. Na dim lamidlom amu Nug heeb, na, amu na buɗun ele ag hanhan Israel gumalob.

1 Samuel 15:12

Samuel nug tuqan amu oh anam ha, buttua nug aha, Saul mattia anidkkunu ukkom, amge laa nug nug amegppa aum. “Iitta. Saul nug Karmel ukkom. Ukka, appa amu nug men okkai laa, danab ah ag amu anidna, Saul dabmena, binag mekkulagnu qappe dayeye, nug eɗua Gilgal ukkom,” awa aum.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.

1 Samuel 21:7

Am deɗ amu Dawit nug uɗia, Nop aabppa beum amu, Saulnu maɗi nid laa nug appa deɗ amuppa Yawe noobppa daakkunu dayom. Danab amu nug danab huu laa ag sipsip, makau, keeke Saulnu gumadtteb, nug am amu dilag gumak danab. Danab amu onig am Doeg, nug am Edom danab.