1 Samuel 12:9 - Nobonob Baibel

⁹ Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.

1 Samuel 12:9 ပူးပေါင်းရင်းမြစ်များ

Sam 106:21

Ag Kayak, Nug ehanatte, ag padal ii meppig ele, ag nuhignu daulag atiom. Ao, ⌊ag ehanadkkunu⌋ Nug keeke okkai okkai Isip appa heum, amge ag nuhignu daulag atiom.

Aisaia 63:10

Nug anam heum, amge ag Nug waappa daaglagnu uun, nuhig nai tappaeg ne, ag nuhig Ouɗi Oppiaawak Ele, ag Nug uug nau medappig. Ag anam heppig amunu, Nug eɗua, ahilag kekeɗ dayom. Nugnab aakku ag ele ban heppig.

Jeremaia 2:32

Ah laa nug nuhig ewau matulak awaknu bala daug ii atitte. Ao, ah nug ewau matulak awak haenppa aɗi bala meum am dabmette, daug ii atitte. Nug anam hette, amge ag Israel ag dahilnu haen elabnab daulag atie, dahilnu nakok laa ii dabmeppig.

Duteronomi 32:18

Israel danab ah ag laa Nug hanhan ɠagattag daatte, Nug ag mamelag beum daatte ele amu, ag nuhignu dup noa binag mak kobol ii heppig. Ao, ah ag nid menuadtteb bia, Kayak Nug he, ag huu laippu beppig daatteb, amge ag nuhignu daulag atiom.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

Ikki Danab 10:7

Ag anam heppig amunu, Yawe Nug Israel dilag oo huana nauhe, Nug ag uuatte, Pilistia, Amon ele banppa eɗatteg, ag eppelagppa daaegeg,

Ikki Danab 13:1

Amu dimppa, Israel ag baula Yawenu neekkakppa eheɗ heppig amunu, Yawe Nug ag Pilistia eppelagppa maatte, ag maɗ 40 anam daappig.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 3:12

Otniel nug mauhe amu, Israel ag baula Yawenu neekkakppa eheɗ heppig amunu, Yawe Nug Israel danab ah Moap dilag king Eklon eppegppa me, nug Israel gumattom.

Ikki Danab 3:31

Ehud dimugppa amu Samgar, nug am Anat bekka, nug Israel ehanatta, ahilag kekeɗ eppelagppan eɗua diiom. Nug Pilistia danab 600 ad laa noobppa aen ele danab ag amuppa makau okkai ebehi ele yaalatteg uɗat hetteb amu, nug ad amuppa ag aqom.

Ikki Danab 4:2

Ag eheɗ heppig amunu, Yawe nug ag diia, King Jabin eppegppa meum. Nug am Kanan dilag king; nug Hasor dayom. Nuhig ban daup ikki am Sisera. Sisera nug am Haroset Hagoim, appa daattom.

1 Samuel 12:15

Amge ag Yawenu nai doon ii dim lamidkkulag dayeb, ag nuhig haknunab anak tabappeg nekku dayeb amu, Nug ag mamelkad aɗi dilagppa heum bia, Nug ag eheɗ hadakku.