1 Samuel 12:8 - Nobonob Baibel

⁸ Am inam. Ag mamelkad aɗi, Jakop, nug baekkudppa ele ag ahan, Isip ukkaeg, haen ukke, dimppa Isip danab ag eheɗ hattegeg, Israel ag amunu Yawe amegppa gaaeg, Nug ehanatta, Moses, Aron ele maate, aa ag Isip uun, wan imuppa daaglagnu anuqya omalatteh, ag uɗin, wan imuppa daappig.

1 Samuel 12:8 ပူးပေါင်းရင်းမြစ်များ

Sam 105:44

Nug nuhikkud danab ah, wanppan wan laala danab Nug ii dim lamidppig ele, Nug amu dilag wan amu mattom. Ao, Nug wan amu matte, ag laa ee eppaladppig amu, ag meu amu tuqappig.

Eksodas 12:51

Deɗ amuppaib Yawe Nug Israel buɗub huu anen anen oh diia omalatte, ag Isip uun goppig.

Eksodas 6:26

Amu Moses, Aron ele onilah amu, danab buɗub imuppanu aguppa daattep. Danab aɗit laa iitta. Aa aakkuib. Yawe Nug danab aɗit amuib amelahppa aakku aum. “Aa Israel buɗub, Isip wanppa daatteb amu, aa huu anen anenppa omaladya ukkeɗ!” awa aum.

Namba 20:15

Ig mamenkad aɗi ag Isip noeg, ig appa maɗ kuɗumnab daamut. Isip danab ag ig, amu ig mamenkad aɗi ele eheɗ heigppig.

Aposel 7:15

Aria Jakop nug noa, Isip dayeye, amu dimppa nug amu nug bekkod ele ag oh mauhadppig.

Josua 1:6

Na ɠagattag daan, ootppa ele ɠagattag doye! Aɗinu? Na danab ah imu noolag aon gona, wan umu, da wan amu imun danab ah mamelkad aɗi madakkulnu ag amelagppa dahil nai ɠagattag qein ami amu, da ehanadppi, ag wan amu, ag aulag daakkunu aoglag.

Josua 21:43

Amunu Yawe Nug Israel mamelkad aɗi amelagppa wan amu madakkunu nai ɠagattag qetta aum amu, Nug aakku wan amu oh Israel eppelagppa me, ag aon, aguppa daappig.

1 Samuel 10:18

Samuel ag amelagppa aum. “Yawe, Nug ig Israel, ihinig Kayak, Nug atte. ‘Da ag Israel, da ag Isip wanppanu omalatti uɗippig. Ao, da ag Isip eppelagppanu diiatten, danab laala, ag eheɗ hadappig ele, da ag eppelagppanu ele diiadmi,’ awa atte.

1 Samuel 12:6

Ag anam aeg, Samuel nug nai tuɗitta aum. “Yawe, Nug Moses, Aron ele tituanatowa, Nug ag gemu daatteb, ag mamelkad aɗi omalatte, ag Isipnu ahan, ippa uɗippig.