1 Samuel 12:3 - Nobonob Baibel

³ Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 12:3 ပူးပေါင်းရင်းမြစ်များ

2 Samuel 22:22

Aɗinu? Da Yawe oɗe dim lamidmi. Ao, da Kayak dahil dimettalom amu, da nau helom, amge da kobol eheɗ ii hemi.

Nehemaia 5:11

Amge anamib iitta. Ag laa ag amu heppig ele amu, ag paha eɗun, ahilkad wan, ahilkad grep dad, ahilkad olip dad, ag laulkad ele, ag amu dilag keeke amu lonnu onig awak daye aoppig ele amu, ag eɗun paha matteg! Ag amu mattanna, ag aɗi lon mattan, dimppa eɗun, lonnu intres, ag amu ele aoppig, ag tuɗittak amu ele eɗun matteg! Ag tuɗittak amu men doɗoppanu aoppigtai, o ee aegppanu aoppigtai, o wain bauppanu aoppigtai, o goɗenppanu aoppigte amu, ag men doɗo, o ee aeg, o wain bau, o goɗen amu oh, ag amu eɗun, daɗek matteg!” awe ami.

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Eksodas 20:17

Na layap laugnu aib amen qeeb aolomnab dabmak eheɗ aome. Laa amu, na layap wau, o nuhig maɗi nid, o nuhig maɗi ah, o nuhig makau okkai ebehi ele, o nuhig donki, o nuhig keeke laala oh ele amu, na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

Eksodas 23:8

Danab nug hettoɗiakppa nai hambuppuak genab daakkunu lokkumakppa eheɗ haknu ehanittak mattaknu ab amu, aria ag men doɗo amu aib aoppig. Aɗinu? Kobol anam, amuam he, hettoɗiakppan danab okkai dilag dabmak, amu danab laa dilag dabmak ele he kaboliattette, genab tutukku hak danab dilag nai ele he, kaliak daatte.

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.

Lewitikas 6:4

Nug hipunin amunu laa hekku amu, nug aakku hipunin heum daatte, nug beɗuppa aab ele. Nug aɗi keeke yab awom, o nug aɗi keeke lokkumakppa awaknu duttuna hak kobolppa awom amu, nug eɗua, mameg medakkuoitte. Nug laa dilag keeke dabmetta atognono qettoɗom, o nug aɗi keeke laa niieye antta, hambuppuakppa awom ele, nug amu ele eɗua mameg medakkuoitte.

Lewitikas 6:5

O nug aɗi keekenu hambuppuak nai ɠagattag qetta ana awom amu, nug amu ele eɗua mameg medakkuoitte. Nug keeke amu ohppanu keeke nuhig daakkunu ii daatte ele amu eɗua, laa nuhigppanu awom amu, nug keeke amu, aria maha laa ele, 20 pesent tuɗitta medakkuoitte. Nug keeke amu deɗ nug eheɗ haknu ofa hekku amu, nug deɗ amuppa keeke amu eɗua medakkuoitte.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Aposel 20:33

Amu da danab laanu silwa, gol, lamen keeke, da amunu amel qe aolomnab dabmak eheɗ ii aomi.

2 Korint 12:14

Aria, gemu da haen ewam batak ag gumatte gokkulnu hein bappaidttem. Da geha ukke, keeke ahilag amu ii aɗadpa. Doyeg! Da keeke ahilag aokkulnu ool ii daatte. Iitta. Da ag diiadkkulnu ool daatte. Ag dootteb, nid ag mamelkad anilkad ehanadkkulagnu keeke bappaidkkulagnu ii daatte. Iitta. Mamelkad anilkad ag nid ehanadkkulahnu keeke qagmetteb.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 12:4

Samuel nug anam a, danab ah ag appig. “Iitta! Na hambuppuak kobolppa ihinig keeke laa ii aome; na gumaknu ɠagattag nahip, na amuppa he, ig laa ii nauhmut. Na ihinig keeke yab kobol biappa laa ii aome,” aon appig.

1 Samuel 12:5

Ag anam aeg, Samuel nug aum. “Yawe, king Nug goɗen gokkaɗakppa tituanom ele amu, aa gemu ahilag nai dahilnu, da ahilagppa eheɗ laa ii hemi, aa gemu nai amu aakku dooya malapiɗ,” awa aum. Nug anam a, danab ah ag appig. “Genab, Yawe Nug aakku doya malom. ⌊Ig nai ihinig baolignignu elele iitta,⌋” aon appig.

1 Samuel 2:35

Aa mauhkkulah, amge da heppi, danab laa, nug mana mettak uɗatnu oo metta ii uuak kobol dim lamitta, nug nuhig mana mettak uɗat da ool hette bia tutukku elele hekku amu, nug dahil mana mettak danab daakku. Nug dayebeb, da heppi, nug, nug buɗub ele ag mana mettak danab daaglagnu ɠagattag tuqa ii awak bia aɗaglag. Nug, nug buɗub ele ag king da eppelppa goɗen gokkaɗakppa tituanak aoglag ele, ag ag noolagppa dahil ɗo maɗoɗ uɗat hanhan hekkulag.

1 Samuel 24:11

O mama, antte! Gemu geha iikku da nahip lamen elab amu nob nakok otaɗe aomi iikku, amge da na ii nittai mauhme. Am na amu anidna, dabmena, geha na diig amuppa na oot maitteb dookkut; da na nidappi ii mauhmana! Iittanab! Laa amu, da nahip nai tabappi nekkunu, o nahip aben aokkulnu ii hettem. Da nahip-ppa keeke eheɗ laa ii hettem, amge na am da iuppe mauhkkulnu banel oittem.

1 Samuel 24:6

Dawit nug Saulnu eheɗ heum, amunu dabmak huan qeum, ⌊amge nuhikkud danab ag nug Saul qeeb mauhkkunu eɗun appig⌋ amunu, Dawit nug ag amelagppa aum. “Yawe Nug Saul, dahil okkai, am nug Israel dilag king daakkunu goɗen gokkaɗakppa tituanom amunu, da nug iinab qeppi mauhma. Iittanab! Nug Israel dilag king daakkunu Yawe Nug goɗen gokkaɗakppa tituanom amunu, da nug heppi nauhkkunu aib okkainab aakku daatte,” awa amelagppa aum.

1 Samuel 24:7

Dawit nug anam nuhikkud danab daulag bata anana, nuhikkud danab ag gona, Saul qeeg ii mauhom. Dawit nug anam he, nuhikkud danab ag daaegeg, Saul nug wan oɗe ooppanu aha ba, dimittim ukkom.

1 Samuel 26:11

amge Yawe Nug da danab Nug king daakkunu goɗen gokkaɗakppa tituanom amu, da nug qeppi mauhkkunu matu aibnab aib aum daatte. Anam daatte amunu, na ban, le nippud nuhig ele, ikki guguittak daattep amu, na keeke aɗit amu diiatppe, i eɗuɗ gokkunih!” awa aum.

1 Samuel 26:9

Abisai nug anam aum, amge Dawit nug nob ma aum. “Na nug aib qeppe mauhom. Aɗinu? Yawe Nug Saul, Israel dilag king daakkunu goɗen gokkaɗakppa tituanom, amu aun laa nug Saul qeeb mauhkku amu, Yawe Nug danab amu nug eheɗ heum, nug beɗuppa aab ele antta, ⌊am geha Nug danab amu nob nau medakku⌋,” awa aum.