1 Samuel 12:19 - Nobonob Baibel

¹⁹ Danab ah ag anam doon, ag Samuel amegppa appig. “Danab naɗi, ig hipunin kuɗum hetata daamut, amge amu aakkuib iitta. Iitta! Ig gemu tuɗidta, hipunin laa ele hemut. Ig Yawe Nug ihinig king daakkunu uut, na king laa tituanppe, ig gumigkkunu oɗ mettamut amunu, Yawe heeb, ig mauhmatanu amu na Yawe, nahip Kayak, na Nug ihinignu unuqitte!” aon appig.

1 Samuel 12:19 ပူးပေါင်းရင်းမြစ်များ

Genesis 20:7

Amge gemu na heppe, ah amu nug gamu toppa eɗua ukkaɗ! Aɗinu? Nug gamu am propet, amu nug nahipnu unuqidkku. Unuqitteb, na ii mauhmana, amge na heppe, eɗua ii gokku dayeb amu, na imu doye! Na, amu nahipadppa ele oh, ag genab mauhkkulag,” awa aum.

Job 37:13

Ge, Nug lombig anam anam hekkulagnu haknunab attenu diig laa am, Nug danab ah eheɗ heppignu bu madakkunu hette. Aria, diig laa am, Nug wan leppu medakkunu, Nug oo mauhaknab kobol nuhig miag daakkunu hette.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Eksodas 10:17

Da amu hemi amunu, aa hipunin dahil gemu haen laippu laa ele uhuqya meɗaglahnu, da ool daatte. Aria, aa Yawe, ahilag Kayak, aa Nug unuqidya oɗ medapeɗ, keeke naunab imu Nug heeb, iitta mekkunu oɗ matattem. Keeke nau imuppa amu, da nauhttem,” awa aum.

Eksodas 32:30

Amu oh ba ukke, wagɗe deɗ amuppa Moses nug danab ah amelagppa aum. “Hipunin ag heppig am naunab, amge da geha qauko attan eɗue tein, da Yawe gumitte ukken, ag ahilag eheɗ haknu nob nau doɗ tiigppa iitta meeb elele medakkunu, da Nug oɗ medappi, Nug, ‘Yo,’ akkutai,” awa aum.

Eksodas 9:28

Ais doɗo am hakkaɗ ele ig eheɗ iqatte amunu, na amu iitta mekkunu Yawe unuqidkkutnu oɗ medattem. Da geha heppi, ag gokkulag; ag baula ippa ii daamna,” awa aum.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 27:18

Propet amu ag genab Yawe oɗeppanu nai aoppig dayeb amu, ag Yawe Nukka Ɠagattag Oh Ele Nug heeb, Yawe laugppan keeke ena laala, daup ag akkan, Babilon wanppa ii goppig, gemu Yawe laugppa ippa ina daatte, daup ag eɗun uɗin, keeke amu, amu Juda dilag kingnu lag enanagnabppan keeke ena ele, amu Jerusalem ippanu keeke ena ele diin, Babilon ii gomananu Nug oo doyakppa unuqitteg!

Jeremaia 37:3

Ag nai amu ii dabmedappig, amge King Sedekaia nug Selemia bekka Jehukal, amu Masea bekka Sepanaia, nug mana mettak danab, nug ele aa nuhig nai aoya goya, propet Jeremaia amegppa, “Na Yawe, Nug ihinig Kayak, na Nug ig ehanigkkunu unuqidkkutnu oɗ medattem,” akkulahnu maate gopiɗ.

Jeremaia 42:2

Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.

Malakai 1:9

Amu Yawe Nukka Ɠagattag Oh ele Nug atte. “Ag Kayak, ag Nug oo bodoette enanag maɗoɗ ele hak kobol ihinignu dim lamidkkunu ii daye daye oɗ metteg! Ag anam hekkulag, amge ag mana mettak anam aon wappeg amu, Nug ag iinab ehanadma,” awa atte.

Namba 21:7

Anam mat emalatteg mauhattegeg, laa ag Moses toppa gona appig. “Ig hipunin hemut. Aɗinu? Ig Yawenu, nahipnu ele nai eheɗ amut. Amge na Yawe unuqidppe, Nug heeb, mat nau imu ag ii daamnanu oɗ medattem,” anan oɗ medappig. Ag oɗ mettaeg, Moses nug Yawe danab ah amu ehanadkkunu unuqittom.

Aposel 8:24

Pita anam awa a, Saimon nug inam aum. “Aa apiɗ dahilppa bemanu amu, aa Naɗi da ehaniɗkkunu unuqidkkulahnu oɗ matattem,” awa aum.

Jems 5:15

Amu ikki danab ag Kayaknu oolagppa genab doona unuqidppeg amu, Naɗi Nug oɗe danab amu heeb, eɗua bau mekku. Aria, oɗe danab amu nug hipunin hattom dayeb amu, Naɗi Nug hipunin nuhig uhuqa medakku.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.

1 Samuel 12:13

Ag king gumadkkunu ippu tituanppig amunu, king ag tituanppig am iikku daatte. Ag nug king daakkunu Yawe oɗ mettaeg, Nug iikku mattom.

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

1 Samuel 7:5

Israel ag anam heeg, Samuel ag aab onig Mispa, appa gokkulagnu anana, nug ag amelagppa aum. “Mispa appa da Yawe ag ehanadkkunu unuqidkkul,” awa aum.

1 Samuel 7:8

ag Samuel amegppa appig. “Yawe, ihinig Kayak, Nug ehanikkeb, Pilistia ag ii iqamnanu, na Nug unuqidkkutnu aib uume; tuɗidna unuqitte!” aon appig.

1 Samuel 8:6

Ag anam appig, amge haen Samuel nug ahilag nai, “Na king laa ig gumigkkunu mekke!” nug nai amu doya, nug oo ena iitta daye, nug Yawe amegppa amunu unuqittom.