1 Samuel 12:15 - Nobonob Baibel

¹⁵ Amge ag Yawenu nai doon ii dim lamidkkulag dayeb, ag nuhig haknunab anak tabappeg nekku dayeb amu, Nug ag mamelkad aɗi dilagppa heum bia, Nug ag eheɗ hadakku.

1 Samuel 12:15 ပူးပေါင်းရင်းမြစ်များ

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Gayak Nai 1:18

Yawe ⌊bu mekkomnu, ig⌋ Nug genab tutukku hak kobolib dim lamidtte ⌊dootu⌋! Amunu diig am ig Juda danab ah, ig nuhig nai tappaut neum. Ag wanppan wan ohppan danab, ag doyeg! Ag neegna ihinig guittak antteg! Ihinkad nid danab bau, ihinkad ah makkun ele, kekeɗ ag wan laappan diia ukka laih me dayak danab ah daaglagnu diiatteg gona, appa daan oitteb.

Duteronomi 31:27

Aɗinu? Ag Israel ag am nai tappe nak danab, amu ag oɗe dim lamidmananu, ag ahilag dabmak ɠagattag eppak ele daatte amu, da doottem. Gemu da ag ele daattem, amu haen imuppa, da daaiyi, ag Yawenu nai tappaeg ne oitteb amunu, da mauhppi amu, ag henana, nai tappe nak danab huanaknab daaglag.

Josua 24:20

Aɗinu? Ag Yawe uuidna, laa dilag kayak hambuppuak waalagppa daan, ag oɗelag dim lamidkkulag dayeb amu, Nug geha ag diia, huma aqadkku. Nug ahilagnu ena heum, amge eɗua awa, hatteb nauhkkulag,” awa aum.

Ikki Danab 2:15

Israel ag ban hekkulagnu ahan godappig, amu Yawe Nug anam hekkunu nai ɠagattag qetta aum bia, ag ippulag oo neene, kekeɗ ag eɗadttappig. Anam heehe, danab ah ag oolagppa uug naunab dooppig.

1 Samuel 12:9

Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.

1 Samuel 5:9

Ag maon goppig, amge ag appa meppig dimppa amu, Yawe he, uug okkainab danab appanu ele, uug amu ahilagppa ele be, ag eheɗ baɗappig. Yawe he, aab okkai amunu danab ah bau, kaino ele, ag beɗulkadppa mamattin nau beum.