1 Samuel 12:13 - Nobonob Baibel

¹³ Ag king gumadkkunu ippu tituanppig amunu, king ag tituanppig am iikku daatte. Ag nug king daakkunu Yawe oɗ mettaeg, Nug iikku mattom.

1 Samuel 12:13 ပူးပေါင်းရင်းမြစ်များ

Hosea 13:11

Ag anam appig amunu, da ool nauhehe, da ag king mattami. Ge, da oppoɗil be, da ahilag king eɗue aɗidmi.

Aposel 13:21

Samuel dayeye, nuhig haenppa Israel ag king aoglagnu aeg, Kayak nug Kis bekka Saul awa me, ahilag king maɗ 40 dayom. Nug am Israel dilag huu okkai Benyaminnu danab.

1 Samuel 10:24

Nug dayeye, Samuel nug danab ah oh amelagppa aum. “Danab imu amu, Yawe nug king daakkunu tituanom. Ig oonigppa amu, danab laa nugbia ii daatte,” awa aum. Nug amu a, danab ah oh ag baalag okkaippa, “King nug haen elab bau dayaɗ!” ena appig.

1 Samuel 11:15

Samuel nug anam aum amunu, Israel oh ag ahan Gilgal gona, appa ag oh Saul nug king daakkunu Yawe noobppa nai qagappig. Appa ag laippu dayaknu ofa manan, Yawe mettona, ag oo gamag ahaknu qagmak okkainab heppig.

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 12:19

Danab ah ag anam doon, ag Samuel amegppa appig. “Danab naɗi, ig hipunin kuɗum hetata daamut, amge amu aakkuib iitta. Iitta! Ig gemu tuɗidta, hipunin laa ele hemut. Ig Yawe Nug ihinig king daakkunu uut, na king laa tituanppe, ig gumigkkunu oɗ mettamut amunu, Yawe heeb, ig mauhmatanu amu na Yawe, nahip Kayak, na Nug ihinignu unuqitte!” aon appig.

1 Samuel 8:5

Ag gona appig. “Na am kaino meme. Na begapaɗ amu, aa nahip hak ena ii dim lamidttep amunu, ig wan laappan danab king ele bia, ig king ele daagnignu na danab laa, nug ihinig king dayaya, ig gumigkkunu tituane!” aon appig.

1 Samuel 9:20

Amu donki ag qettoɗeg, uɗin deɗ ewam mattiadme ele amu, na ahilagnu dabmak aib nittom. Aɗinu? Laa ag anadna diippig. Amge Israel danab ah oh amu, ag na, amu na mamen, nug baekkudppa ele, ahilagnu dabmenan daatteb,” awa aum.