1 Samuel 11:9 - Nobonob Baibel

⁹ Israel oh ag anam heeg, Saul aɗi ag nai awa ukkak danab, tatam Jabes Gileatnu uɗin, Amon heppignu aeg dooppig ele amu, ag ag amelagppa inam appig. “Ag eɗun Jabes gona, Jabes danab amelagppa ‘Butti, aam ɠagattag neeb amu, ag ehanittak aoglag,’ appeg doyeg!” aon appig. Aria, ag anam akkulagnu aeg doona, ag gona, Jabes danab amelagppa aeg doon, ag oolag gamag eheɗnab ahom.

1 Samuel 11:9 ပူးပေါင်းရင်းမြစ်များ

2 Samuel 2:5

Aeg doya, Dawit nug Jabes Gileat danab dooglagnu nai imu me, ahilagppa ukkom. “Ag Saul, ihinig okkai, ag nuhignu oo mauhaknab doon, ag nug gaɗa aon uɗin boumppig amunu, da Yawe Nug ag itittak ena madakkunu ool daatte.

Sam 18:17

Nug da kekeɗ ɠagattag ele eppelagppanu awiɗom. Ao, Nug laa ag dahilnu nau ninig ele dooppig eppelagppanu eɗua awiɗom. Aɗinu? Kekeɗ ag da eɗilak, da ag eɗadkkulnu elele iitta.

Ikki Danab 21:8

Am diig amunu ag oɗmak imu heppig. “Haen ig Mispa appa, ig Yawe noobppa qagmeta, ig Benyamin huunu attem haknu maidmut amu, aun laala ag Israel dilag huu okkai attenppanu ii daappig?” Ag oɗmak anam henana hettoɗippig amu, ag auntai laa Jabes Gileatnu laa qagmakppa ii dayom dooppig.

1 Samuel 11:10

Ag nai amu oh doyeg, gamalag ahe, ag Amon danab hambuppualadna, ahilag King Nahas amegppa appig. “Butti ig na eppenppa gokkunig, amu ig amu hepput, na ihinigppa aɗi hekkutnu oot daatte dayeb amu, na anamib hekkut!” aon appig.

1 Samuel 11:8

Ag Besek appa Saul toppa qagmeeg, Saul ebaqatte, Israel danab laa oh 300,000 daaegeg, Judanu am 30,000.

1 Samuel 31:11

Pilistia ag anam heeg, haen aab Jabes, aab amuam Gileat atuppa daatte amu, aab amunu danab ah ag Pilistia ag Saul, nuhigppa keeke heppig, ag nai amu doona,