1 Samuel 11:7 - Nobonob Baibel

⁷ Saul anam doya, nug makau aɗit diiata aqatowa, nug tuqe, maha maha ne, nug maha anen anen nai awa ukkak danab eppelagppa me, ag maon, Israel wan ohppa gona, inam akkulagnu amelagppa aum. “Danab aun laa nug Saul, Samuel ele bannu ii dim lamateb, Saul nug heeb, danab ii ukkom ele amu, nuhikkud makau ag tuqak inambia daaglag!” Saul nug ag anam akkulagnu amelagppa aum. Nug a, ag gona anam heeg, baɗak eheɗ nau ele Yawenu Israel, ahilagppa ne, ag ohnab ahan, Saul toppa uɗippig.

1 Samuel 11:7 ပူးပေါင်းရင်းမြစ်များ

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

2 Stori 14:14

Amu Gerar danab ah, aab naunau, aab okkai amu talilidna daappig ele, danab ah appanu ele ag ⌊Kus ehanadppig amu,⌋ ag Yawe Nug Juda ehanatta he, Juda ag Kus daup dilagppa attem heppig doon, ag baɗak eheɗ nau Yawenu doon, ban hekkulagnu elele iitta amunu, Juda ag aab amu oh eɗadna heeg nauhppig. Nauheg, en kuɗumnab amuppa dayom amunu, ag en amu ele aoppig.

2 Stori 17:10

Amu Yawe Nug he, wan Juda talilidna daappig ele, amuppan danab ah ag Yawenu ɠagattagnu baɗan, ag Jehosapat, Juda ele banelag ii goppig.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

Aisaia 8:13

Amu Yawe Nukka Ɠagattag Oh Ele, na Nugib am oppiaawak ele doye! Na ⌊Nug noobppa eheɗ hemananu, na⌋ nuhignuib baɗak doye! Ao, na nuhignuib ebehin oh bodoetta le maɗ!

Ikki Danab 19:29

Nug appagppa ukkowa, nug qep laa awa, nug wau amge waunab iitta, nug ah amu gaɗa otaɗe, maha 12 neppig. Nug anam hewowa, nug gaɗa maha amu pania, Israel dilag huu okkai anen anen Israel ooppan amu, ahilagppa me ukkom.

Ikki Danab 20:1

Am anam beum, aakku Israel ohnab, aab onig Dan, appanu ukka ukka Berseba batak, Gileat wanppanu ele, ag oh aɗa mak laippu, Mispa appa Yawe noobppa qagmeppig.