1 Samuel 11:6 - Nobonob Baibel

⁶ Ag aeg Saul doye, Kayak Ouɗi nuhigppa ɠagattag ele uɗie, Saul nug oo huana nauhom.

1 Samuel 11:6 ပူးပေါင်းရင်းမြစ်များ

Eksodas 32:19

Am Moses nug uɗia, haen tutu dayaknu aab kalak guguittatta, nug makau gaiɗ golppa hak amu antta, nug danab ah ahi goɗana daaegeg anatta, nug oo nauhak naunab doya, nug men maha aɗit eppegppanu buɗiate, wanppa nopiɗ. Amu nug qauko diigppa mawate goya, aoɗya nauhpiɗ.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Ikki Danab 11:29

Haen amuppa Yawenu Ouɗi Nug Jepta, nuhigppa uɗia a, Jepta nug daup ag Amon danab ele ban hekkulagnu dim lamidkkulagnu nug Gileat wan ooppa, Manase wan ooppa ele oiya oiya ukka, nug Gileat wanppa Mispa teum. Appanu nug Amon banelag ukkom.

Ikki Danab 13:25

Anam amu, Samson nug Mahane Dan appa, aab Sora, aab Estaol ele gamalahppa dayeye, appa Yawenu Ouɗi digma, Samson nug Yawenu uɗat hekkunu dabmak maɗettom.

Ikki Danab 14:6

Haen amuppanab, Yawenu Ouɗi Samson nuhigppa ɠagattag ele uɗie, nug eppegppaib laion aɗa, he nauhom. Nug amu meeme nagppa hak bia uug iitta heum. Amge nug heum, nug amunu mameg o anig amelahppa ii mattiom.

Ikki Danab 15:14

Ag anam aon ukkaegeg, Samson nug Lehi teete amu, Pilistia ag ⌊ahilag dabmakppa ag Samson eɗidna aoppig doon, gamalag huananab ahe⌋ enana, nug gumidna uɗippig. Amge Yawenu Ouɗi nuhigppa ɠagattag ele uɗia, Samson ehanitte, nug eppegppan muɗi hoh, am muɗi aab manaeg ewe gai-iitta meum bia mataɗa awa, muɗi hoh eppegppanu na qe,

Ikki Danab 3:10

Amu Yawenu Ouɗi Otniel nuhigppa uɗia he, Otniel nug Israel dilag epeɗiak danab beum. Nug Aram dilag king Kusan Risataim ele ban hekkulahnu ukke, Yawe he, Otniel ban eɗittom.

Ikki Danab 6:34

Ag amu heeg amu, Yawenu Ouɗi Nug Gideon, nuhigppa uɗie, nug Abieser buɗub ag nug gumidna gona dim lamidna, banelag gona, ban hekkulagnu trampet ag onilagppa ekkunu iwalom.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 10:6

Ag anam hebeppeg anadna, Yawenu Ouɗi Nug ɠagattag ele nahip-ppa ukkeb, na ele propet nai madikkut. Amu na eɗun, danab laa daakkut.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 16:14

Amge Yawenu Ouɗi Nug Saul uuittom; Nug Saul ele ii daaeh, ouɗi nau Yawe noobppanu ukka, uug nau Saul mettom.