1 Samuel 11:4 - Nobonob Baibel

⁴ Jabes ikki danab ag Nahas amegppa anam ana, ag heeg, nai awa ukkak danab ag ahan gona, amunu mattiegeg ukke, ag Gibea, Saul appag diig, ag appa tena mattieg, appan danab ag doon, huan gaappig.

1 Samuel 11:4 ပူးပေါင်းရင်းမြစ်များ

Genesis 27:38

Aisak anam aum, amge Esau nug aum. “O mame, na itittak ena laippu laa iittate? Na da ele itittak ena meɗakkutde!” awa aum. Anam anana amu, nug baula huanak gayom.

2 Samuel 21:6

amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.

1 Stori 12:3

Danab amu ag onilag am inam. Ahieser, Joas ele. Aa Gibea ted Sema bekoɗ. Ahieser nug danab amu dilag okkai dayom. Laa am Asmawet bekoɗ Jesiel, Pelet ele, aria Beraka, amu Anatot ted Jehu ele.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!

Ikki Danab 2:4

Yawenu engel nug nai amu Israel danab ah oh amelagppa mattia male amu, Israel danab ah ag huana gaappig.

Ikki Danab 20:26

Anam heeg, Israel oh ag eɗun, Betel tena, ag Yawe noobppa gaanna, ag ee ohnu kud mena daaeg ukke, uudoum. Ag manaknu ofa Yawe mettana, amu ag laippu dayaknu ofa ele Nug mettana,

Ikki Danab 21:2

Anam amu, Israel danab ag ahan, Betel tena, ag Kayak noobppa daaeg ukke, tueb meum. Ag daanna, ag baalag okkaippa eheɗ gaappig.

1 Samuel 10:26

Saul ele eɗua, nug laugppa Gibea ukkom. Amu danab laala, ag am danab ɠagattag, Kayak Nug he, ag oolag Saul medappig ele amu, ag Saul ele oh nug ehanidkkulagnu nug laugppa goppig.

1 Samuel 14:2

Amu haen amuppa Saul nug aab onig Gibea, aab amu daugppa, ee aeg mumuɗaknu abenppa, appa dayom. Aben amuppa am ad laa onig pomigranet daye, Saul nug ad amu waappa dayom. Danab, ebqak ahilag am 600 keeke, ag nug ele aben amuppa daappig.

1 Samuel 15:34

Aria, amu dimppa Samuel nug aha, Rama ukke, Saul nug nug laugppa, Gibea appa ukkom.

1 Samuel 30:4

Ag keeke oh anam daye anidna, Dawit, nuhig huu ele ag amunu eheɗ qanaegeg ukka ukka, ebehilag oh bodoettom.