1 Samuel 11:2 - Nobonob Baibel

² Jabes danab ag Nahas amegppa anam appig, amge Nahas, Amon ted, nug aum. “Am ena, da ag ele nug tituanta nai qakkagnig, amge Israel danab ah oh ag uɗalag eheɗ naunab nekkunu tatam da ag Jabes daatteb, da ag oh amelag naɗiap otuladppi nauhppeg, da ag ele nug tituankkunig,” awa aum.

1 Samuel 11:2 ပူးပေါင်းရင်းမြစ်များ

Genesis 34:14

Ag appig. “Ig appinanig danab gaɗa ii otaɗak mettagnignu elele iitta. Ig anam ii hemata. Aɗinu? Ig anam hekkunig amu, ig Kayak noobppa ena ii daamta.

2 King 18:31

Ag Hesekaianu nai aib dooppig; aib dabmeppig. Iitta!’ Anam amu ag Asiria dilag kingnu nai dabmekkulag am ena. Nug atte. ‘Ag dahil nai doon, ag da waalppa daaglagnu anana, ag dahilppa uɗippeg, ag oh ippa daanna, ag ee ahilag wanppa bette ele, amuam grep meu, ad fig meu ele amu, ag amu, le oug ahilag ele lanana daaglag.

Sam 44:13

Na hee, ig aabaab danab ag taliligna daatteb ele, ag ig aon aon iqan autna aotteb. Ao, danab ah ig talilikkak aabaab daatteb ag, ag ihinignu awa awa qettak nai naunab nau anan, ag ihinignu, “Am keeke hamunab,” dootteb.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Prowerb 12:10

Genab tutukku hak danab ag ahilkad doɗ keeke atognoadtteb; amge nau hak danab ag ahilag atognoak am laa guittak mattaknu uug laa ii doyakppa bette.

Jeremaia 39:7

Amu heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag aon, Babilon wanppa gokkulagnu qagappig.

Namba 16:14

Na omaigppe, wan enanag, wan ittag ele, appa ee meu huana otte eleppa gokkunignu ame, amge na amu iinab heme. Na ig dad okkai, amu grep dad ele megappe aopput, ig aunig daaglagnu ame, amge na amu ele iinab heme. Na danab imu hambuppualadna, amelag hautkkutnu elele daanna, anam hekkutnu dabmettemte? I ii wamaɗa!” aoya apiɗ.

Ikki Danab 16:21

Samson anam daye, Pilistia ag nug aɗan, nug ameg doɗo kehatppig. Ag ameg doɗo kehatna, ag nug aon, Gasa gona, bras senppa qakkan, maniguittakppa mena heeg, nug ee aeg ganuɗaknu men okkai itoɗiaya dayom.

1 Samuel 11:10

Ag nai amu oh doyeg, gamalag ahe, ag Amon danab hambuppualadna, ahilag King Nahas amegppa appig. “Butti ig na eppenppa gokkunig, amu ig amu hepput, na ihinigppa aɗi hekkutnu oot daatte dayeb amu, na anamib hekkut!” aon appig.

1 Samuel 12:12

Yawe anam he ukke, dimppa ag Israel, ag Amon dilag king Nahas, nug ag ele ban hekkulagnu uɗieye anidna, ag Yawe, ahilag Kayak, Nug ahilag king daakkunu uun, ag da amelppa appig. ‘⌊Yawe ii gumigma.⌋ Iitta! Ig na king laa ig gumigkkunu megakkutnu oonig daatte,’ aon appig.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.