1 Samuel 11:15 - Nobonob Baibel

¹⁵ Samuel nug anam aum amunu, Israel oh ag ahan Gilgal gona, appa ag oh Saul nug king daakkunu Yawe noobppa nai qagappig. Appa ag laippu dayaknu ofa manan, Yawe mettona, ag oo gamag ahaknu qagmak okkainab heppig.

1 Samuel 11:15 ပူးပေါင်းရင်းမြစ်များ

2 Samuel 19:15

Juda ag nai amu meeg ukke, King Dawit doya, nug aha ukka, nug Jodan leppa teum. Nug appa te, Juda danab ag matu Dawit omalppeg, Jodan le mataɗkkunu uɗin, Gilgal daappig.

Eksodas 24:5

Dimppa nug he, Israel dilag nid danab bau laala ag gona, ag makau gaiɗ, manaknu ofa, laippu dayaknu ofa ele daaglagnu manadna, Yawe medappig.

Jems 4:16

Amge, gemu ag hetteb amu, ag akka akka beɗulag humatteb. Beɗu humak kobol amubia oh am kobol eheɗ.

1 Samuel 10:17

Aria, Saul anam he, Samuel nug Israel oh ag aab onig Mispa, appa Yawe noobppa qagmekkulagnu onilagppa e, ag doeg,

1 Samuel 10:24

Nug dayeye, Samuel nug danab ah oh amelagppa aum. “Danab imu amu, Yawe nug king daakkunu tituanom. Ig oonigppa amu, danab laa nugbia ii daatte,” awa aum. Nug amu a, danab ah oh ag baalag okkaippa, “King nug haen elab bau dayaɗ!” ena appig.

1 Samuel 10:8

Amu na anuqna Gilgal goppe, da dimppa gokkul. Amge na gona, deɗ eblaih aɗit ele da amel men daappe, da ukken, da manaknu ofa, amu laippu dayaknu ofa ele manen, Kayak medakkul. Amu da ele na aɗi hekkutnu appi dookkut,” awa aum.

1 Samuel 12:1

Amu dimppa Samuel nug Israel danab ah oh amelagppa aum. “Ag da aɗi hekkulnu appig amu, da nai ahilag doye hein, da king laa ag gumadkkunu nug abenppa mei daatte.

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 8:19

Samuel nug Yawe oɗe awa, Israel amelagppa mattiom, amge ag amu ii dabmena, ag Samuel amegppa appig. “Anam bekkutai, amge ig king laa waappa daagnignu oonig hette. Ig dabmak amu ii uumta.