1 Samuel 11:1 - Nobonob Baibel

¹ Aria, nakok dimppa Amon dilag king onig Nahas, nug nuhikkud daup ele ag uɗin, Gileat wanppan aab laa onig Jabes, ag aab amu oo mattan, aqaglagnu maadna daaegeg, Jabes danab ag Nahas amegppa appig. “Na ig ele nug tituanta nai qakkagnig dayeb amu, ig nahip maɗi nid daagnig,” aon appig.

1 Samuel 11:1 ပူးပေါင်းရင်းမြစ်များ

Genesis 26:28

Nug anam a amu, Abimelek aɗi ag appig. “Iitta. Ig Yawe na ele daattep miagib anidmut amunu, ig na ele nug tituanta nai qakkak laa ig oh dim lamidkkunignu nai ɠagattag qeta akkunig am ena dabmemut. Anam amunu ig na ele tituanak inam hekkunignu oonig daatte.

2 Samuel 10:1

Aria, haen laa ukke, Amon dilag king Nahas nug mauhe, nug bekka Hanun nug mameg abenabppa Amon dilag king dayom.

2 Samuel 10:2

Nahas nug mauhe, Hanun king daye, Dawit nug inam dabmeum. “Nahas nug dahilnu oo mauhaknab kobol doya dim lamittom, amubia da nug bekkanu ele oo mauhaknab kobol doye, dim lamidkkul,” dabmeum. Dawit nug anam dabmeum amunu, nug nuhikkud danab laa gona, oo doyak ehanittak nai Hanun amegppa akkulagnu maatte goppig. Nug maatte gona, ag Amon wanppa teppig.

2 Samuel 17:27

Apsalom aɗi ag aguppa daappig, amge tatam, haen Dawit nug Mahanaim uɗie amu, Nahas bekka Sobi, Amiel bekka Makir, amu Barsilai ele ag uɗippig. Sobi nug am Amon danab, nug apag diig am Raba. Makir nug appag diig am Lodebar, amu Barsilai nug Gileat ted, nug appag diig am Rogelim.

2 Samuel 2:5

Aeg doya, Dawit nug Jabes Gileat danab dooglagnu nai imu me, ahilagppa ukkom. “Ag Saul, ihinig okkai, ag nuhignu oo mauhaknab doon, ag nug gaɗa aon uɗin boumppig amunu, da Yawe Nug ag itittak ena madakkunu ool daatte.

1 King 20:34

Aria, Benhadat nug Ahapnu bannu karis attan ta, nug Ahap amegppa inam aum. “Da mamel nug anukka ban haaha, nug na mamennu aab okkai awom amu, geha da aab amu oh eɗue, na medakkul. Laa ele, na keeke meeb, daden maknu aben digdig ele Damaskus, aab okkai amuppa heppe bekkulag. Da mamel anukka nug Samaria aab okkaippa he dayom, amubia na hekkut,” awa aum. Nug anam a, aria Ahap nug Benhadat amegppa aum. “Na anam hekkutnu genab da amelppa attem dayeb amu, da na ele i nug tituanɗa, nai qakkoɗa, amuppa da heppi, na eɗun aon nahip-ppa gokkut,” awa aum. Anam amu, aa nug tituanya nai qagapiɗ. Aa nug tituanya, nai qakkoya, Ahap paɗe, nug ukkom.

1 Stori 10:11

Pilistia ag anam heeg, haen Gileat atuppan aab Jabesnu danab ah ag Pilistia ag Saul, nuhigppa keeke heppig, ag nai amu doona, danab ɠagattag aab amuppan oh ag ahan gona, Betsan aabppa tena, ag Saul gaɗa, bekkod ewam gaɗalkad ele, ag gaɗalkad amu oh akkan, eɗun Jabes gona, mauhak ebehilkad amu ad ok laa Jabes daatte, amu waappa boumadppig. Ag boumadna malona, ag ee ohnu kud mena daaeg ukke, deɗ eblaih aɗit ele uue, ag eɗun ee lappig.

Job 41:4

Nug hanhan nahip begbeg maɗi nid daakkunu, nug na ele nug tituana nai qakkak hekkulahte?

Eksodas 23:32

Ag danab appanu ele ag aib nug tituanna nai qagappig; ahilag kayak hambuppuak ele amu, ag ag ele aib nug tituanna nai qagappig.

Aisaia 36:16

Ag Hesekaianu nai aib dooppig; aib dabmeppig. Iitta!’ Anam amu ag Asiria dilag kingnu nai dabmekkulag am ena. Nug atte. ‘Ag dahil nai doon, ag da waalppa daaglagnu anana, ag dahilppa uɗippeg, ag oh ippa daanna, ag ee ahilag wanppa bette ele, amuam grep meu, ad fig meu ele amu, ag amu, le oug ahilag ele lanana daaglag. Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag.

Jeremaia 40:11

Aria, haen Juda laa ag ⌊ban neene, ag ahan ban haenppa oola ukkak danab ah wan laalappa daaglagnu goppig,⌋ amuam ag Moap, Amon, Edom, amu wan laala ohppa goppig amu, ag appa daanna, ag Babilon dilag king nug Juda danab ah ohnab ii diia ukkom, laa oɗo yaak uuatte daappig doon, ag nug Ahikam bekka Gedalaia, nug Sapan alag amu, nug ahilag okkai daakkunu otiom ele doon,

Jeremaia 40:14

Ag gona, ag Gedalaia amegppa appig. “Gedalaia, Amon dilag king Balis nug Netania bekka Ismael na nitteb mauhkkutnu me uɗiom amu, na amu iite doottem,” aon appig. Ag anam appig, amge Ahikam bekka Gedalaia nug ahilag nai am doya, ooppa genab ii doyom.

Esekiel 17:13

Nug ag diia, Babilon gokkun dayaya, nug Dawit buɗub laa, ag Juda dilag king daaglagnu elele amu, nug ag oolagppan laa awe, nug king daakkunu nug ele nug tituanya, nai qakkaya, Babilon dilag king nug he, laa amu nug Babilon dilag king waappa dayaya, nuhig nai dim lamidkkunu nuhig nai ɠagattag qetta aum. Amu Babilon dilag king nug Juda dilag ikki danab laa ele diia, Babilon uɗiom.

Duteronomi 23:3

Amon tedte, o Moap tedte, o nug buɗubppud laala menuak laippu bia 10 batak, ag Yawenu danab ah Israel, ag ag ele laippunab ii daamna.

Ikki Danab 10:7

Ag anam heppig amunu, Yawe Nug Israel dilag oo huana nauhe, Nug ag uuatte, Pilistia, Amon ele banppa eɗatteg, ag eppelagppa daaegeg,

Ikki Danab 11:4

Aria, Jepta nug Tob dayeye, Amon danab ag baula Israel banelag uɗippig.

Ikki Danab 21:8

Am diig amunu ag oɗmak imu heppig. “Haen ig Mispa appa, ig Yawe noobppa qagmeta, ig Benyamin huunu attem haknu maidmut amu, aun laala ag Israel dilag huu okkai attenppanu ii daappig?” Ag oɗmak anam henana hettoɗippig amu, ag auntai laa Jabes Gileatnu laa qagmakppa ii dayom dooppig.

1 Samuel 12:12

Yawe anam he ukke, dimppa ag Israel, ag Amon dilag king Nahas, nug ag ele ban hekkulagnu uɗieye anidna, ag Yawe, ahilag Kayak, Nug ahilag king daakkunu uun, ag da amelppa appig. ‘⌊Yawe ii gumigma.⌋ Iitta! Ig na king laa ig gumigkkunu megakkutnu oonig daatte,’ aon appig.

1 Samuel 14:47

Amu Saul nug Israel dilag king ba daye, nug nuhikkud daup ele ag Israel dilag kekeɗ oh ele ban heppig; kekeɗ ag ele ban heppig, amuam Moap danab, Amon danab, Edom danab, king laala ag Soba wanppa daappig, ahilkad daup ele, amu Pilistia danab ele. Saul, nuhikkud daup ele ag ban amu hena, kekeɗ eɗadppig.