1 Samuel 10:6 - Nobonob Baibel

⁶ Ag anam hebeppeg anadna, Yawenu Ouɗi Nug ɠagattag ele nahip-ppa ukkeb, na ele propet nai madikkut. Amu na eɗun, danab laa daakkut.

1 Samuel 10:6 ပူးပေါင်းရင်းမြစ်များ

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 11:25

Ag appa daaegeg amu, Yawe Nug lombig mettid haknu peh lag tonom ele amuppa no, Nug Moses ele nai madipiɗ. Amu anukka haen laappa Yawe Nug a, nuhig Ouɗi Moses ehanidkkunu nuhigppa dayaya ehanitte, amu gemu Nug baula a, nuhig Ouɗi Nug ikki danab 70 amu ahilagppa ukka dayeye, ag propet nai madippig, amge ag haen laippu aakkuib heppig.

Namba 11:26

Amu danab aɗit laa, aa onilah am Eldat, Medat ele, aa ele onilah ameg amuppa dayom, amge aa Yawenu peh laugppa ii daapiɗ. Aa haen tutu dayaknu aab kalappigppa, appa daapiɗ, amge Kayak a, nuhig Ouɗi ahilahppa ele ukka dayeye, aa haen tutu dayaknu aab kalappigppa propet nai madipiɗ.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Matyu 7:22

Anam daatte amunu, epeɗiak deɗ naɗippa danab ah kuɗum ag da amelppa akkulag. ‘Naɗi, Naɗi, ig na oninppa propet nai iite mehuqmut? Na oninppa ele ouɗi nau iite lamadmut? Ig na oninppa kobol danab haknu elele iitta kuɗum laa iite hemut?’

Ikki Danab 14:6

Haen amuppanab, Yawenu Ouɗi Samson nuhigppa ɠagattag ele uɗie, nug eppegppaib laion aɗa, he nauhom. Nug amu meeme nagppa hak bia uug iitta heum. Amge nug heum, nug amunu mameg o anig amelahppa ii mattiom.

Ikki Danab 15:14

Ag anam aon ukkaegeg, Samson nug Lehi teete amu, Pilistia ag ⌊ahilag dabmakppa ag Samson eɗidna aoppig doon, gamalag huananab ahe⌋ enana, nug gumidna uɗippig. Amge Yawenu Ouɗi nuhigppa ɠagattag ele uɗia, Samson ehanitte, nug eppegppan muɗi hoh, am muɗi aab manaeg ewe gai-iitta meum bia mataɗa awa, muɗi hoh eppegppanu na qe,

Ikki Danab 3:10

Amu Yawenu Ouɗi Otniel nuhigppa uɗia he, Otniel nug Israel dilag epeɗiak danab beum. Nug Aram dilag king Kusan Risataim ele ban hekkulahnu ukke, Yawe he, Otniel ban eɗittom.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 10:9

Samuel nug anam a, Saul nug eɗua, Samuel uuitta gokkunu heehe, Kayak he, Saul oo eɗuom. Amu deɗ amuppa Samuel nug aɗi kobol bekkulagnu aum amu, at oh ag bena malappig.

1 Samuel 11:6

Ag aeg Saul doye, Kayak Ouɗi nuhigppa ɠagattag ele uɗie, Saul nug oo huana nauhom.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 19:20

Laa Saul amegppa anam aeg, nug danab laala maatte, Dawit aɗaglagnu goppig, amge haen ag gona, Naiot tena, ag propet huu laa ag propet nai mattiegeg anadppig. Samuel nug ahilag ikki, nug hibaitta dayeye, Kayak Ouɗi Nug Saulnu huu daappig, amu Nug ahilagppa uɗia he, ag digmena, propet nai madippig.