1 Samuel 10:5 - Nobonob Baibel

⁵ Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.

1 Samuel 10:5 ပူးပေါင်းရင်းမြစ်များ

1 King 18:29

Aam anig uɗia ukkom, amge ag amunu ii dabmeppig. Ag propet nai duttunak huanak ele mattin henan daaegeg ukka, tueb mana mettak haknu haen doum. Ag anam heeg ukkom, amge ⌊kayak hambuppuak⌋ auntai laa oɗelagppa ii awom, auntai laa nug amunu dabmak laa ii awom.

2 King 2:15

Propet huu ameg laa Jerikonu 50 ag uɗin gukkuidna appa daappig amu, Elisa nug keeke amu he anidppig. Anidna, ag appig. “Antteg! Ɠagattag anukka Kayak Nug Elaiya mettom amu, gemu am Elisa, nuhigppa daatte,” aon appig. Awona, ag uɗin, nug uɗa tena, ag gatelag qaun o, gomelna, iɗulag wanppa meppig.

2 King 2:3

Propet huu ameg laa ag Betel appa daappig amu, ag uɗin anatna, ag Elisa amegppa inam appig. “Gemu Yawe Nug nahip danab okkai geha nahip-ppanu awa gokku; na amu doottemte o iitta?” aon Elisa oɗ medappig. Aon oɗ mettaeg amu, Elisa nug ag appig amu nob ma inam aum. “Ao, da doottem. Ag baula amunu aib appig,” awa aum.

2 King 2:5

Amu propet huu ameg laa appa Jeriko daappig amu, ag Elisa toppa uɗin, inam amegppa appig. “Gemu Yawe Nug nahip danab okkai geha nahip-ppanu awa gokku; na amu doottemte o iitta?” aon Elisa oɗ medappig. Ag anam oɗ mettaeg, amu Elisa nug nob ma aum. “Ao, da doottem. Ag baula amunu aib appig,” awa aum.

2 King 2:7

Aa ukkaeheh amu, propet ameg amunu danab 50, ag aa dim lamatna goppig. Amu aa goya, Jodan leppa noya, le daugppa hippaidya daapiɗ. Aa anam daaeheh, propet 50 ag piɗe laih hippaidna daanna, ag neekkeg ukke, Elaiya, Elisa ele anatppig. Aa ele oh ii daappig.

2 King 3:15

Elisa nug anam awowa, nug aum. “Heppeg, danab laa harp qak dootte ele uɗiaɗ!” awa aum. Nug anam a, danab harp qak doyak ele uɗia, harp qeeqe, Yawenu ɠagattag amu Elisa, nuhigppa uɗiom.

2 King 4:38

Amu deɗ laa enug haen Israel wanppa uɗie, Israel danab ah oh ag eenu tutu daappig. Haen amuppa Elisa nug eɗua ukka, Gilgal aabppa, appa dayeye, amu deɗ laa propet huu ameg laa ag nug gumidna uɗin, ag nuhigppa sul nai aonna daaegeg, nug nuhig maɗi nid amegppa aum. “Na waa okkai aon mena, danab imu lewa lakkulagnu keh gehie,” awa aum.

2 King 6:1

Elisa nug propet huu ameg laa gumadttom. Gumattette, haen laa propet amu ag Elisa amegppa inam appig. “Lag imu, na ig qagmeigttemppa, lag imuam nakok. Ig elele daagnignu elele iitta.

1 Stori 11:16

Dawit nug ban haknu aben ɠagattag amuppa daye, Pilistia ag ahilkad huu laa ag ahan gona, Betlehem aabppa, ag appa daappig.

1 Stori 13:8

Ag anam hena, Dawit, Israel laa oh ele daappig amu, ag oolag gamag huana ahehe, ag Kayak noobppa ahi huana ettanna, ag harp, laia, tambarin, simbal, amu trampet ele aɗan, musik ele huana heppig.

1 Stori 16:42

Heman, Jedutun ele aa trampet iwalkkulahnu, simbal, am musik hak keeke laala ele hekkulahnu daapiɗ. Keeke amuppa ag ahi Kayak binag maknu heppig. Jedutun bekkod ag Gibeon appa od gumak danab daappig.

1 Stori 16:5

Amu dilag okkai am Asap. Nug waappa am Sekaraia. Sekaraia waappa am Jeiel, Semiramot, Jehiel, Matitia, Eliap, Benaia, Obetidom, Jeiel ele. Ag am laia, harp ele qadappeg, Asap nug simbal hekkun daappig.

Sam 49:4

Da daul humen, oiyak ehanittaknu nai tutu laa doyen appi dooglag. Ao, da harp qeinne, nai amu mehuqppi dooglag.

Sam 92:3

Am laa nug laia muɗi 10 ele qedadaɗebeb, ahi ettak amu ettaglag, amuam enanag. Yo, laa nug ahi baag amuib harp qeebeb, ag Kayak kobolnu ahi ettaglag, amuam kobol ena.

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 10:4

Anadppe, ag humittona, ag na bret kunum aɗit mettaglagnu hekkulag. Ag anam heppeg, na aib uume. Iitta. Na ag eppelagppanu aokkut.

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 13:3

Saul he, Israel dilag daup ag anam daanna, Pilistia dilag daup laa, ag aab onig Geba appa daappig amu, Jonatan, nuhikkud daup ele ag ahan, Pilistia amu ele ban heppig. Jonatan aɗi ag anam heeg, Pilistia laa ag doon, ag oolag nauhom amunu, Saul nug aabaabppa Israel danab ag bannu uɗiglagnu nai dooglagnu, nug nai awa ukkak danab ag gona, trampet iwalkkulagnu maatte gona iwalppig.

1 Samuel 19:20

Laa Saul amegppa anam aeg, nug danab laala maatte, Dawit aɗaglagnu goppig, amge haen ag gona, Naiot tena, ag propet huu laa ag propet nai mattiegeg anadppig. Samuel nug ahilag ikki, nug hibaitta dayeye, Kayak Ouɗi Nug Saulnu huu daappig, amu Nug ahilagppa uɗia he, ag digmena, propet nai madippig.

1 Samuel 9:12

Amu Saul, nuhig maɗi nid ele aa anam oɗ mattaeh, ag appig. “Ge, nug geha iikku anuqa aabppa teum. Gemu ippan danab amu, ag aabnu mettid lag nakokppa doɗ laa main, Kayak mettaglag amunu, nug gemu ig appanigppa uɗiom. Nug gemuib uɗiom amunu, aa anidkkulahnu paha teiɗ!