1 Samuel 10:3 - Nobonob Baibel

³ Aria, aa na amenppa anam apeɗ amu, na tuɗidna gona, na aab onig Tabor, appa ad ok daatte, ad amuppa amu danab ewam, ag doɗ main, Kayak mettaglagnu, keeke laala ele mettaglagnu, ag Betel tekkulagnu gonana, ag na uɗan tekkulag. Laa nug meeme nakkud ewam diia ukkebeb, laa nug bret kunum ewam mawebeb, laa nug wain doɗ gaɗappa inak ele laippu mawebeb anadkkut.

1 Samuel 10:3 ပူးပေါင်းရင်းမြစ်များ

Genesis 28:19

Gokkaɗowa, nug aben amu onig Betel ataɗom. Anukka aab okkai appa dayom ele am onig Lus adappig.

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Genesis 35:1

Dimppa Kayak Nug Jakop amegppa aum. “Anukka haen na Esaunu oolna ukkaeye, da nagattoppa Betel appa gumitten nemi. Uppa nemi amunu, na ahan gona, Betel daanna, dahil qaɗab appa qekkut,” awa aum.

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Sam 89:12

Na wan ukka yawalti uɗitteppanu, o wan ukka yau uɗitteppanu amu, na amu oh heme. Aam nodeppan wan, qauko Tabor am aam nodeppa daatte amu, aria aam bedeppan wan, qauko Hermon aam bedeppan daatte amu, appan danab ah ag na ɠagattag oh ele doon, ag na onin humatteb.

Jeremaia 32:8

Yawe Nug da amelppa Hanamelnu aum amu, anamnab da amal nakok Hanamel nug uɗia, da daup king gumappig laulagnu haɗap-ppa daamippa ba, nug da amelppa aum. “Dahil wan maha laa Benyamin wanppa, Anatot guguittak daatte amu, na ihinig ɗoppa wan amu laa eppegppa dayaknu qagaiettakppanu eɗua uhuqak hekkutnu daattem amunu, laa ag daden memananu, wan amu nahip daakkunu na daden me!” awa aum. Nug anam aum, da amu bekkunu tatam Yawe oɗeppa doomi amunu,

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 23:13

am ee aegnu ofa, amu ele ouqa hak daakkuoitte. Amuam 2 kilogram plaua enanag olip goɗen ele kaboliak daakku. Amuam Yawe mettaknu aab aɗunu ofa aakku. Mana mettak amunu muttuɗignu, Yawe Nug ooppa ena dootte. Amu ele ouqak, ag 1 lita wain aon, amuppa ag wain gokkaɗaknu ofa hekkulagoitte.

Lewitikas 3:12

Aria, Nug meeme gaiɗ, o balat laate mana mettak ha, nug awa, Yawe gumitta wana medakku.

Lewitikas 3:6

Am laa nug laippu dayaknu ofa hekkunu haaha, nug sipsip, o meeme awa dotte dayeb, nug sipsip o meeme dawai laa, o, sipsip o meeme anig laa awa, mana mettak ha, Yawe medakku. Amu nug Yawenu doɗ awa dotte amu, nug laa beɗuppa eheɗ laa iitta ele amu awa dokkuoitte.

Lewitikas 7:13

Haen nug laippu dayaknu ofa ha, Yawe amegppa, ‘Ena heme,’ akkunu hette amu, nug bret yis ele kaboliak, amu ele awa, Yawe gumitta wana, Nug medakkuoitte.

Josua 19:12

Israel dilag huu okkai Seblonnu tom am Saritnu kaɗag uɗitteppanu ele ukkom. Am tom nug Saritnu ukka ukka, Kislot Tabor tomppa wana ukka, Daberat wana ukkom. Kaɗag uɗitteppanu, Israel dilag huu okkai Seblonnu tom am Deberat appa digma ukka, Japia waum.

Josua 19:22

Isakarnu huu wan madappig ele tom am Tabor, Sahasuma, Betsemes ele guguittaknab ukka, nakokib awom. Tom amu aakku ukka, Jodan leppa batom. Aab wan amuppa daappig, amu oh ebqak am 16. Aab naunau laala aab amu taliliattak daappig amu, ag aab amu ele ag madappig.

Ikki Danab 20:18

Amge ag ban ii heppig daanna amu, Israel ag Betel gona, Kayak oɗ mettan appig. “Israel dilag huu okkai atten nug banelag ukka, anuqa Benyamin danab ele ban hekkulag?” anan oɗ medappig. Ag anam Yawe oɗ mettaeg amu, Nug ag oɗelagppa awa aum. “Juda ag tatam anuqkkulag,” awa aum.

Ikki Danab 20:27

ag Yawe, ib ippunadkkunu oɗ medappig. Haen amuppa Kayaknu Tituanak Nainu Kunup kontrak inak ele amu, kunup amu Betel appa daye,

Ikki Danab 4:12

Aria, Barak nug ugekke, Deborah, amu danab ag Barak dim lamitteg goppig ele, ag qauko Tabor appa teeg, laa ag Sisera amegppa, “Barak, Abinoam bekka, nug Tabor qaukoppa teum,” appig.

Ikki Danab 4:6

Anam daye amu, deɗ laa amu, nug Abinoam bekka Barak uɗikkunu nai me ukkom. Barak am Kedes aabppa dayom. Kedes am Israel dilag huu okkai Naptali dilag wanppa dayom. Nug nai me ukke, Barak uɗie amu, Deborah nug amegppa aum. “Yawe, Israel dilag Kayak, Nug na inam aakku haknunab atte. ‘Na qauko Tabor appa gona, na ban danab 10,000 Naptali, Seblon ele huuppanu diippe, na ag ele appa ukkeg!

Ikki Danab 8:18

Gideon anam hewowa, nug Seba, Salmuna ele oɗ matom. “Danab aa Tabor appa aqapiɗ amu, ag am danab attemu bia?” oɗ matom. Anam oɗ mate, aa nob meya apiɗ. “Ag am na bia. Neekkakppa ag oh am king bekkod bia daappig,” aoya apiɗ.

1 Samuel 10:4

Anadppe, ag humittona, ag na bret kunum aɗit mettaglagnu hekkulag. Ag anam heppeg, na aib uume. Iitta. Na ag eppelagppanu aokkut.