1 Samuel 10:26 - Nobonob Baibel

²⁶ Saul ele eɗua, nug laugppa Gibea ukkom. Amu danab laala, ag am danab ɠagattag, Kayak Nug he, ag oolag Saul medappig ele amu, ag Saul ele oh nug ehanidkkulagnu nug laugppa goppig.

1 Samuel 10:26 ပူးပေါင်းရင်းမြစ်များ

2 Samuel 21:6

amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.

Esra 1:5

Sairus nug anam mattie, Juda baekkudppan ikki danab, Benyamin baekkudppan ikki danab, Lewi buɗubppan mana mettak danab, amu Lewi buɗubppan mana mettak danab iitta, ag ele, aria danab ah aun laa ele Kayak Nug ag eɗun gokkulagnu ahilag dabmak maɗettom ele, ag ahan gona, Yawe laug Jerusalem appa buuglagnu dabmenan, gokkulagnu bappaidppig.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Aisaia 10:29

Appa mewona ag gona, qauko ikki oppoɗu noakppa nona, aab okkai Geba, appa haen tutu dayaknu aab kalaglag. Ag appa niibppeg, danab ah Rama aab okkaippanu ag eheɗ baɗaglag. Baɗappeg, King Saul appag diig Gibeanu danab ah ag ahan, aab uun, ag oolna gokkulag.

Aposel 13:48

Pol nug anam aum, aria haen iitta aɗi ag nai amu doona, ag oolag gamag ahehe, ag Naɗinu nai amu humidnana, danab ah ag Kayaknu bauklel hanhannu aoglagnu daappig ele amu, ag oolagppa genab dooppig.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Josua 18:28

Sela, Haelep, Jebus, onig laa am Jerusalem, Gibea, Kiriat Jearim ele madappig. Aab amu oh ebqak amu 14. Aab naunau laala aab amu taliliattak daappig amu, ag amu ele ag madappig. Wan imu aakku, ag aulag daakkunu, Josua, nuhig ehanittak ele, ag Israel dilag huu okkai Benyamin baelkadppa madappig.

Ikki Danab 20:14

Iitta. Ag Israel ele ban hekkulagnu, aab ahilkadppan ahan gona, Gibea appa qagmeppig. Gibea am aab laa, Benyamin wanppa daatte.

1 Samuel 11:4

Jabes ikki danab ag Nahas amegppa anam ana, ag heeg, nai awa ukkak danab ag ahan gona, amunu mattiegeg ukke, ag Gibea, Saul appag diig, ag appa tena mattieg, appan danab ag doon, huan gaappig.

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 15:34

Aria, amu dimppa Samuel nug aha, Rama ukke, Saul nug nug laugppa, Gibea appa ukkom.