1 Samuel 10:19 - Nobonob Baibel

¹⁹ Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

1 Samuel 10:19 ပူးပေါင်းရင်းမြစ်များ

Prowerb 16:33

Danab ag aɗi hekkulagnu om ena yaatteb; amge om ena yaak oh aɗi aɗi ippunigtte, amuam Yawe eppegppanu uɗitte.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Namba 11:20

Iitta! Geha ag kalam laippu, ag kalam amu ohppa teppu amu lakkulag. Ag geha lanakib lanan daappeg, bahilag yeeb, gahag bak doon, baula teppu amu anidna lakkulagnu uun autna aoglag. Anam bekkunu diig amu, ag Yawe, ag ele daatteb amu, ag Nug dimedappig. Ag Nug noobppa gaanna, ‘Aɗinu ig Isip uut, ahat uɗimut?’ aon appig,” awa aum.

Namba 17:2

“Na Israel danab ah amelagppa inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Israel dilag huu okkai anen anen, huu ag tatam beppig daatteb amu, ag ahilkad ikki danab appeg, ag dudqak hokkat ahilkad na mettaglag. Dud qak hokkat amu ebqak am 12 daakku, amu ikki danab anen anen dilag hokkatppa ag onilkad yaak dayaɗ!

Duteronomi 17:14

Ag Yawe, ahilag Kayak, Nug ag wan madatte amu, haen ag amuppa nona, aon daanna amu, ag digmena inam dabmekkulagtai. “Ig am wan laala talilikkak king ele daatteb, amubia ig king ele daalom.” Ag anam dabmekkulagtai.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Ikki Danab 8:23

Ag anam aeg, Gideon nug nob ma aum. “Da ag ii gumadpa, da bekkal ele iitta. Yawe Nug ag gumadkku!

1 Samuel 10:20

Samuel nug anam anan, nug he, Israel dilag huu okkai 12 ag anen anen ahan dona, Yawe noobppa daaegeg, Yawe Nug Israel dilag huu okkai Benyamin tituanom.

1 Samuel 12:12

Yawe anam he ukke, dimppa ag Israel, ag Amon dilag king Nahas, nug ag ele ban hekkulagnu uɗieye anidna, ag Yawe, ahilag Kayak, Nug ahilag king daakkunu uun, ag da amelppa appig. ‘⌊Yawe ii gumigma.⌋ Iitta! Ig na king laa ig gumigkkunu megakkutnu oonig daatte,’ aon appig.

1 Samuel 14:23

Amunu deɗ amuppa Yawe Nug Israel ehanatta, Pilistia eppelagppanu diiom, amu Israel ag Pilistia lamadna gona, aab onig Betawen eɗidna goppig.

1 Samuel 14:38

Kayak Nug nai laa ii aum amunu, Saul nug aum. “Ag ban daup ikki danab daatteb amu, ag oh uɗieg! Ig hettoɗitta, aun nug gemu aɗi hipunin heum amu, ig anidtu!

1 Samuel 3:21

Amu Yawe Nug tuɗitta, Silo appa Samuel gumitta naana, Nug Samuel amegppa nai mattiom amunu amuppa, Nug Samuel Nug diig ippunittom.

1 Samuel 4:1

Yawe Nug anam heehe, Samuel Nug Kayak nai doya, nug mattieye, Israel oh dooppig. Aria, haen laa Israel, Pilistia ele ag ban hekkulagnu daappig amu, Israel ag ahan, aben laa onig Ebenisa, appa ag ahilag haen tutu dayaknu aab kalappig. Amu Pilistia dilag ban danab ag aab onig Apek, ag aab amu guguittak haen tutu dayaknu aab ahilag kalappig.

1 Samuel 8:19

Samuel nug Yawe oɗe awa, Israel amelagppa mattiom, amge ag amu ii dabmena, ag Samuel amegppa appig. “Anam bekkutai, amge ig king laa waappa daagnignu oonig hette. Ig dabmak amu ii uumta.

1 Samuel 8:5

Ag gona appig. “Na am kaino meme. Na begapaɗ amu, aa nahip hak ena ii dim lamidttep amunu, ig wan laappan danab king ele bia, ig king ele daagnignu na danab laa, nug ihinig king dayaya, ig gumigkkunu tituane!” aon appig.