1 Samuel 10:1 - Nobonob Baibel

¹ Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 10:1 ပူးပေါင်းရင်းမြစ်များ

2 Samuel 1:14

Nug anam a amu, Dawit nug nug oɗ mettom. “Yawe Nug Saul king daakkunu goɗen gokkaɗakppa tituanom, amu na attem hena, na nug qekkutnu ii baɗame?” awa aum.

2 Samuel 19:39

Aa anam mattiya malaeh, danab oh, King Dawit ele Jodan mataɗppig. King nug mataɗa, nug Barsilai ootuqitta, itittak ena mette, Barsilai nug eɗua, lakka ukkom.

2 Samuel 20:19

Ig Israel danab ah oolagppa king waappa oo metta ii uuak kobol dim lamidtata, maɗoɗ ele dayaknu danabnab daattem. Aab okkai imuam Israel ooppa ah laa nug nid nuhikkud anilag daatte bia daatte, amge na aab imu heppe nauhkkunu hettem. Yawenu keeke ii daama, nuhikkudnab danab ah kuɗum ele ii daamnanu hettem,” awa aum.

2 Samuel 5:2

Amu anukka Saul nug ihinig king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

1 King 1:34

Nona, appa mana mettak danab Sadok, am propet Natan ele aa Solomon nug Israel dilag king daakkunu goɗen gokkaɗakppa tituaneɗ! Aa amu hepeɗ amu, ag trampet iwalnana, ag baalag okkaippa ekkulag. ‘Solomon nug king haen elab dayaɗ!’ Ag anam aon eig!

1 King 19:18

Ag mauhkkulag, amge da heppi, Israel ooppa danab 7,000, da ag aɗualatti, ag dahilad daatteb. Danab amu ag kayak hambuppuak Bal noobppa dup ii nona binag ii meppig; ag nug onig okkai mettaglagnu nug dottog ele ii ootuqidppig,” awa aum.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

2 King 9:1

Haen King Joram nug Jesril dayeye, Elisa nug propet dilag huuppan propet laa onigppa e uɗie, amegppa inam aum. “Na lamen nahip daug imuanppa ɠagattag takkan, olip goɗen hinai nakok imuppa aon, aab Ramot, Gileat wanppanu ukke!

2 King 9:12

Nug anam awa a, ag nai amu nob mena appig. “Amuam genab iitta. Na ig amenigppa tutukku appe dootu! Na hambuppun aib nai toname,” aon appig. Ag anam aeg, aakku Jehu nug ag amelagppa aum. “Danab amu nug da amelppa inam aum. ‘Yawe Nug inam atte. “Da na Israel dilag king bena daakkutnu, da goɗen gokkaɗakppa tituanidttem,” ’ awa atte,” awa aum.

Sam 135:4

Ag Yawe binag mekkulagnu diig am, Nug Jakop buɗub nuhikkud daaglagnu tituanattom. Ao, Nug Israel danab ah ag nuhikkud danab ah, nuhig en okkainab bia daaglagnu tituanattom.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 78:71

Ge, Nug Dawit sipsip gumattakppan awom. Naɗi Nug Dawit nug nuhikkud danab, ag Jakop buɗub amu, nug ag gumadkkunu diiom. Ao, Nug danab ah nuhikkudnab daatteb, ag Israel danab ah amu, Nug Dawit ag gumadkkunu diiom.

Eksodas 30:23

“Am laa amu, na spais digdig; amuam 6 kilogram mir, 3 kilogram sinamon kalu muttuɗig enanag ele, 3 kilogram keeke qaittobttob bia diig laa muttuɗig ena ele,

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Esekiel 16:13

Anam amunu, nahip bala am gol, silwa eleppa hak dayom. Nahip lamen oh am enaib. Laa linen hakkabppa heppig. Laa am lamen laa, awaknu daden nob okkai ele. Amu laa am lamen kobol kobol koitak ele. Nahip ee am enanagib; plaua enanag, uppuh leppu, am olip goɗen ele. Da nahipnu anam hei, na ah iɗun tuqaknab bena daanna, na aakku ah okkai, kuin daame.

Hosea 13:2

Gemu amu, ag tuɗidna, hipunin henan henan daatteb; ag kayak hambuppuak dottolkad danab ah ag amu noolagppa dup nona binalag mekkulagnu silwa ahilagppa hetteb. Ag dottolag amu eppelagppa kobol kobol ele hattana autna aotteb. Ao, danab uɗat amu haknu doyak okkai ele, ag dottolkad amu oh hetteb. Am danab ah laala ag Israel danab ah dilag atteb. “Ag nid naunau ahilkad manan, kayak hambuppuak mattanna; ag makau gaiɗ dottolkad eppelagppa hadappig, ag ag ootuqadtteb,” aon atteb.

Aposel 13:21

Samuel dayeye, nuhig haenppa Israel ag king aoglagnu aeg, Kayak nug Kis bekka Saul awa me, ahilag king maɗ 40 dayom. Nug am Israel dilag huu okkai Benyaminnu danab.

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

1 Tesalonaika 5:26

Ag Kristen kobolppa oppiaawak eleppa, ag nug humittak heig!

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 13:14

Amge na eheɗ heme, diig amunu amu, na, amu na buɗun ele ag Israel hanhan ii gumamna. Na Yawenu nai ii dim lamidme amunu, Yawe Nug danab laa, danab amu nug Yawe aɗi dabmak aotte, nug ele amuib aokkunu hette amu, Yawe Nug danab laa amu nug king daakkunu aakku antta mala, nug king daakkunu tituanom,” awa aum.

1 Samuel 15:1

Amu Samuel nug Saul amegppa aum. “Yawe he, da na Israel, ag am Yawenu danab ah amu, da na ahilag king daakkutnu goɗen gokkaɗakppa tituanidmi amunu, na Yawenu nai doye!

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 2:10

Danab ag Yawe ele ban hak bia hetteb amu, Nug heeb, ag nauhna autna aoglag. Genab! Yawe Nug hab aabppa dayaya, nuhig ɠagattagppa heeb, danab amu ag uug aoglag. Yawe Nug wan imuppan danab ah oh epeɗiadkku. Yawe Nug heeb, nuhig king am ɠagattag ele daakku. Ao, Nug laa king daakkunu goɗen gokkaɗakppa tituanom ele, Nug ɠagattag onig okkai ele nug metteb daakku.” Hana nug anam unuqittom.

1 Samuel 24:6

Dawit nug Saulnu eheɗ heum, amunu dabmak huan qeum, ⌊amge nuhikkud danab ag nug Saul qeeb mauhkkunu eɗun appig⌋ amunu, Dawit nug ag amelagppa aum. “Yawe Nug Saul, dahil okkai, am nug Israel dilag king daakkunu goɗen gokkaɗakppa tituanom amunu, da nug iinab qeppi mauhma. Iittanab! Nug Israel dilag king daakkunu Yawe Nug goɗen gokkaɗakppa tituanom amunu, da nug heppi nauhkkunu aib okkainab aakku daatte,” awa amelagppa aum.

1 Samuel 26:11

amge Yawe Nug da danab Nug king daakkunu goɗen gokkaɗakppa tituanom amu, da nug qeppi mauhkkunu matu aibnab aib aum daatte. Anam daatte amunu, na ban, le nippud nuhig ele, ikki guguittak daattep amu, na keeke aɗit amu diiatppe, i eɗuɗ gokkunih!” awa aum.

1 Samuel 26:9

Abisai nug anam aum, amge Dawit nug nob ma aum. “Na nug aib qeppe mauhom. Aɗinu? Yawe Nug Saul, Israel dilag king daakkunu goɗen gokkaɗakppa tituanom, amu aun laa nug Saul qeeb mauhkku amu, Yawe Nug danab amu nug eheɗ heum, nug beɗuppa aab ele antta, ⌊am geha Nug danab amu nob nau medakku⌋,” awa aum.

1 Samuel 8:19

Samuel nug Yawe oɗe awa, Israel amelagppa mattiom, amge ag amu ii dabmena, ag Samuel amegppa appig. “Anam bekkutai, amge ig king laa waappa daagnignu oonig hette. Ig dabmak amu ii uumta.

1 Samuel 8:9

Amunu na ahilag nai doon, dim lamidna he! Na amu hekkut, amge na tatam ag nau aomnanu dabmettak nai mattanna, na king nug ahilag okkai dayaya, nug ahilagppa aɗi aɗi keeke hekku amu, na amu ele appe dooglag!” awa aum.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.

1 Samuel 9:27

Amu Saul, nuhig maɗi nid, amu Samuel ele ag oh ahan gona, ag aab gigin gukkuidnana, Samuel nug Saul amegppa aum. “Appe, nahip maɗi nid nug anuqa ukkebeb, na nakok daappe, da Kayaknu nai nahipnu appi dookkut,” awa aum. Nug a, Saul he, maɗi nid nug anuqa ukkom.