1 Samuel 1:6 - Nobonob Baibel

⁶ Yawe Nug he, Hana nug nid aokkunu elele iitta amunu, Elkana wau laa Penina, nug Hana awa awa qedatta, nug Hana nid aokkunu elele iittanu uug nau dookkunu, nug amunu ge iitta mattieye, Hana nug genab oo uug ele dayom.

1 Samuel 1:6 ပူးပေါင်းရင်းမြစ်များ

Genesis 30:1

Haen Rahel nug ah mattoi oiya, Jakop nid ii metta antta, nug Leanu, dahilppa anam daalon dabmak aɗa daya, nug Jakop amegppa aum. “Na nid meɗe! Iitta amu, da mauhkkul,” awa aum.

2 Samuel 6:23

Amu Saul aɗeg Mikal nug haen amu ii nak nug nid laa ii menuom, amu dimppa ele ii menuewe ukke, mauhom.

Job 24:21

Ah mattoi, nid ii menutteb ele, ag ehanittak laa iitta amunu, hipunin danab ag ah amu dilagnu eheɗ hetteb; ag ah qab dilagnu ele oolag nakok laa ii bodoette, eheɗ hadatteb.

Job 6:14

Danab nug eɗua ena daakkunu ib laa iinab anidtte ele amu, danab amu nug Laa Nukka Ɠagattag Oh Elenu ebehi oh bodoetta le mekkunu ib apiɗidmanu, nug laikkud ag ehanidkkulag am ena.

Lewitikas 18:18

Na nahip ah makkegte, o appagte, na waat amge na waatnab iitta, na nug ele niiglahnu aib aome. Amge na waat nug mauhkku dayeb, na nug apag, o makkeg na waat daakkunu aokkut am nai iitta.

Ikki Danab 11:37

amge tatam amu, na da uuiɗppe, da qaukoppa teppi, appa, da lailad ele ig kalam aɗit anam oitta mahignig. Aɗinu? Da danab laa ii aopa,” awa aum.

1 Samuel 1:7

Kobol amu maɗ kuɗumppa beum. Ge! Maɗ anen anen, Elkana, Hana aɗi ele ag Yawenu mettid haknu peh lakka tena, Penina, nug Hana awa awa qedatta, nug nid aokkunu elele iittanu ge iitta mattieye, Hana nug genab oo uug ele daye, nug gaya, ee ele ii laum.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.