1 Samuel 1:21 - Nobonob Baibel

²¹ Keeke amu oh anam be, haen ukke, Elkana nug maɗ laappa eɗua, doɗ mana, Yawe medakkunu, nug keeke laa genabnab Yawe medakkunu nai ana qakkom amu, nug amu oh hekkunu baegppan ele Silo goppig,

1 Samuel 1:21 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Sam 101:2

Da na noomppa nahip neekkakppa da oolppa kaliak laa iitta ele oikkulnu wagai mein hekkul. Na ganeb dahilppa uɗikkut? Da daattemppa amu, da na noomppa danab ooppa kaliak laa iitta ele daakkulnu oolppa dabmein oikkul.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 12:6

Am Yawe Nug aben laa ag Nug noobppa dup nona binag mekkulagnu ippuanatteb amu, ag manaknu ofa, mana mettak laala, keeke obatak eblaih tanig ele ooppanu obatak laippu Kayak mettak, keeke Kayak hamu ɗo mettak, nai genab ana qakkaknu ofa, amu laippu dayaknu ofa, makau, amu sipsip ele nalkad ⌊dawai⌋ tatamnu ele oh, ag aben amuppa Yawenu akkan wakkulag.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

1 Samuel 1:3

Aria, Elkana nug maɗ anen anen oh haen laippu nug Yawe Nukka Ɠagattag Oh Ele noobppa dup noa binag mekkunu, nug ele doɗ mana, Nug medakkunu, nug Ramanu aha, Silo ukkom. Silo appa amu mettid haknu peh lag dayeye, Eli bekoɗ Hopni, Pinias ele aa Yawenu mana mettak danab daapiɗ.

1 Samuel 2:19

Nug Yawenu uɗat amu heehe, maɗ oh nug anig nug lamen elab laa, elab nuhig okkainu elele heum. Nug amu he, maɗ oh nug gamu nug ele aa doɗ manoya, Yawe mettaglahnu Silo tepiɗ, amu haen amuppa nug lamen amu awa ukka, Samuel mettom.