1 Samuel 1:19 - Nobonob Baibel

^19-20 Aria, Hana nug anam daye, wagkkaɗe buttuanab ag ahan, Yawe noobppa dup nona binag mewona, ag eɗun, Rama goppig. Rama am ag appalag diig aakku. Ag gona daanna, Elkana nug Hana ele oieheh, Yawe Nug Hananu dabmaama he, Hana nug oo ele dayom. Nug oo ele daye ukke, nuhig haen uɗie, nug nid danab menuom. Nug menua, nug “Da Yawe nid imunu oɗ mettami,” awa aum amunu, nug onig Samuel ataɗom.

1 Samuel 1:19 ပူးပေါင်းရင်းမြစ်များ

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

Genesis 30:22

Aria dimppa, Kayak Nug Rahelnu dabmak awa, unuqittak nuhig ele doya, Nug he, Rahel nug nid menukkunu elele dayom.

Genesis 4:1

Adam wau ele aa dad dimittim anam daaya, aa oiyya Ewa nug oo ele daye, geha nug Kain menuom. Menua, nug aum. “Yawe Nug da ehaniɗe, da nid danab imu aomi,” awa aum.

Genesis 8:1

Le hiɗ naɗi anam ba daye ukke, Kayak Nug Noa, nug baekkudppa ele, doɗ dakkuɗ, doɗ aabppanu ele, ag Noa ele uubppa daappig amu, Nug amu oh dilag dabmak awa he, ulah uɗia le iwale, digma hiɗa noum.

2 King 4:17

Nug anam aum, amge dimppa ah amu nug oo ele daya, maɗ laappa, kalam aum, amuppa Elisa amegppa aumbia, nug nid danab menuom.

Sam 119:147

Da aam ii beebe, tatam da ahen ehaniɗkkutnu unuqidttem. Na da ehaniɗkkutnu ame amunu, da amu bekkunu dabmak aɗe oittem.

Sam 136:23

⌊Ig Yawe,⌋ Nug danab ag ihinignu dabmak atognoak ii aon, eheɗ dooikkegeg, ig Nug daugppa doum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Luk 23:42

Nug anam ana, nug Jesus amegppa aum. “Jesus, haen na nahip ɗo maɗoɗppa daanna amu, na dahilnu dabmekkutnu ool daatte,” awa aum.

Josua 18:25

Josua aɗi ag aab laala ele ag madappig. Amuam Gibeon, Rama, Berot,

1 Samuel 1:1

Aria, anukkanab, danab laa, onig Elkana, nug dayom. Elkana nug am Israel dilag huu okkai onig Epraim, nug amunu ted, amu nuhig aab ikki am Sup. Amu Elkana nug Epraim wanppa, qauko qauko daattebppa, nug aben amuppa aab laa onig Rama, appa dayom. Elkana mameg am Jeroham. Jeroham mameg am Elihu. Elihu mameg am Tohu. Aria, Tohu mameg am Sup.

1 Samuel 1:11

Hana nug unuqittatta, nug Yawe amegppa genabnab hekkunu nai anan qakka, inam aum. “O Yawe Nakka Ɠagattag Oh Ele, na nahip maɗi ah, da, na dahilnu dabmenana, da uug nau ele doottem amu, na amu ele dabmenana, na dahilnu daut ii atikku dayeb, na nid danab meɗappe amu, O Yawe, da nid amu, nug haen oh nahip daakkunu, da na medappi, danab laa nug nid amu ikki uɗug iinab otaɗma,” awa aum.

1 Samuel 15:34

Aria, amu dimppa Samuel nug aha, Rama ukke, Saul nug nug laugppa, Gibea appa ukkom.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 19:18

Aria, haen amu ag anam heeg, Dawit nug Saul eppegppanu oola, Samuel gumitta, Rama ukkom. Nug ukka ta, nug keeke oh Saul nuhigppa heum amu, nug Samuel amegppa mattie, aria dimppa aa Naiot goya, oh daapiɗ.

1 Samuel 2:11

Hana nug anam unuqitta male, Elkana, Hana ele aa eɗuya, Rama gopiɗ, amge nid danab Samuel, nug Silo dayaya, mana mettak danab Eli waappa Yawe noobppa Yawenu ɗo maɗoɗnu uɗat heum.

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.

1 Samuel 8:4

Aa anam heehe, Israel dilag ikki danab oh ag ahan qagmena, Samuel gumidna, Rama goppig.

1 Samuel 9:26

Aria, buttua wagkkaɗeɗe ag ahan, Saul lag koɗokko uɗem ukkakppa dayeye, Samuel nug onigppa ewa aum. “Na keeke bappaidppe, da heppi, na eɗun appanppa gokkutnu gokkut,” awa aum. Nug a, Saul nug anam he, nug Samuel ele aa dimittim gopiɗ.