1 Samuel 1:17 - Nobonob Baibel

¹⁷ Hana nug anam a, Eli doya, nug nob ma aum. “Na ahan, na oot maɗoɗ ele ukke! Amu Kayak, Israel dilag Kayak, Nug na aɗi keeke Nug unuqidme amu, Nug amu na medakkunu ool daatte,” awa aum.

1 Samuel 1:17 ပူးပေါင်းရင်းမြစ်များ

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

2 Samuel 15:9

Apsalom nug Dawit amegppa anam a, am King Dawit nug aum. “Ena, na maɗoɗ ele ukke!” awa aum. Nug anam aum amunu, Apsalom nug Hebron ukkom.

2 King 5:19

Naman nug anam a amu, Elisa nug amegppa aum. “Na ootppa maɗoɗ ele ukke!” awa aum. Elisa nug anam a, aria Naman nug Elisa uuitta noa, nakok uma ugekke,

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Mak 5:34

Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

Luk 7:50

Anam aeg amge Jesus Nug baula ah amu amegppa aum. “Na ootppa genab doome amunu, na Padal ii maknu ehanittak aome daattem. Na maɗoɗ ele ukke!” awa aum.

Luk 8:48

Amu Jesus Nug ah amu amegppa aum. “O aɗel, na ootppa genab doome amunu na ena daattem. Na maɗoɗ ele ukke!” awa aum.

Ikki Danab 18:6

Ag nug anam hekkunu oɗ mettaeg, nug anam ha, ag amelagppa aum. “Yawe Nug ahilag oiyak amuppa am, Nug anuqa ukkebeb gokkulagde! Ag maɗoɗ aon oiyeg!” awa aum.

1 Samuel 1:16

Da oolppa uug naunab, ninig ele doottem, amunu na dahilnu, da am nahip maɗi ah amu, na dahilnu ‘Ah nau,’ aib dabmeme,” awa aum.

1 Samuel 1:23

Hana nug Elkana amegppa anam a, Elkana nug aum. “Na aɗi hekkutnu ena anidttem amu, na anam he! Na inam daanna, na nid imu huh aɗittona, dimppa na gokkut am ena, amge Yawe nug heeb, na hekkutnu ame amu, na hekkutnu elele daakkutnu ool daatte,” awa aum. Nug anam a, Hana nug aabppa dayeye ukke, haenppa amu nug nid huh aɗittom.

1 Samuel 20:42

Aa gaaya maloya, Jonatan nug Dawit amegppa aum. “Na ena, oot maɗoɗ ele ukke! Aɗinu? I Yawe onigppa nug ehanittak hekkunihnu nai ɠagattag qeɗa amuɗ, amu Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku,” awa aum. Jonatan nug anam a, Dawit aha ugekke, Jonatan eɗua, aab okkaippa ukkom.

1 Samuel 25:35

Dawit nug anam awowa, nug Abigel keeke awa uɗia mettom nug eppegppanu awawa, amegppa inam aum. “Nai nahip amu, da doomi, da geha na oot daatte amuib dim lamidkkul amunu, na oot maɗoɗ ele dayebeb, eɗun lautppa ukke!” awa aum.

1 Samuel 29:7

am na eheɗ laa heppe, Pilistia danab okkai ag geha nahipnu ag oolag nauhmanu, na oot maɗoɗ ele eɗun ukke!” awa aum.