1 Samuel 1:10 - Nobonob Baibel

¹⁰ nug ooppa uug naunab daye, nug ninig ele gayaya, Yawe unuqittom.

1 Samuel 1:10 ပူးပေါင်းရင်းမြစ်များ

Genesis 30:1

Haen Rahel nug ah mattoi oiya, Jakop nid ii metta antta, nug Leanu, dahilppa anam daalon dabmak aɗa daya, nug Jakop amegppa aum. “Na nid meɗe! Iitta amu, da mauhkkul,” awa aum.

Genesis 50:10

Ag gona, Atatnu ee aeg mumuɗaknu abenppa teppig. Aben amu le Jodan guguittak dayom. Haen ag appa tena amu, ag mahittak guittak ele heppig. Amu Josep nug mamegnu deɗ eblaih aɗit ele oo doyak doyaya, appa dayom.

2 Samuel 13:36

Nug nai mattia male, haen amuppanab king bekkod ag uɗin benana, ag huana mahinna beeg, king nug nuhig maɗi nid ele ag huana gaappig.

2 Samuel 17:8

Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

Job 10:1

Da bau daattemnu amu, da eheɗ nau doottem. Ao, da anam doottem amunu, dahil naittuɗ mak ii lokkumpa. Ge, da oolppa ninig bia doottem amunu, da amu dabmein madikkul.

Job 7:11

Ag da oɗel qamutkkulnu atteb, amge iitta! Da oɗel ii qamutpa. Ge, da oolppa guittak naɗinab doottem amunu, da diig dookkulnu madikkul. Genab, da oolppa ninig doottem amunu, da amunu naittuɗ mekkul.

Job 9:18

Da hik niɗeb, ulah aokkulnu hebippi, Nug heeb, da eɗuen, hik elele awen, ena ii daalom; iitta, Nug heeb, da guittak, uug nau ele doolom.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Prowerb 14:10

Nahip oo gamag ahak, oo uug doyak ele, amuam nakka nahip keeke; laa nug na doottem bianab dookkunu elele iitta.

Aisaia 38:15

Da anam ainne, ⌊gemu⌋ da aɗi akkul? Yawe Nug anam he, kobol dahilppa beum am aakku beum. Uug dahilppa be, ⌊amuppa da doyak aomi⌋ amunu, da dahil bau dayaknu maɗ ohppa amu, da dakka da onil qeppi neeb oikkul.

Aisaia 54:6

Amu danab nug wau ⌊eheɗ he,⌋ uuitte, wau nug nukka laih oo uug nau elenab dayeye, gamu nug onigppa e, eɗua do, ewau daattep, amubia Yawe Nug ag Juda, ag onilagppa ekku. Ao, ah makkunnab gamu awa, ⌊eheɗ heum⌋ amunu, gamu uuitte, ah ukke, nukka dayeye, gamu nug onigppa e, eɗua do, ewau daattep, amubia Yawe Nug ag onilagppa ekku. Amu ahilag Kayak Nug atte.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 22:10

Ag King Josaia mauhom amu, ag nuhignu aib gaappig, aib mahippig. Ag amu ii hemana, amge ag Jehoahasnu, kekeɗ ag uɗin aon ukkaeg, nug wan laappa diia ukka laih me dayak danab daatte, ag nuhignu huan gayeg! Aɗinu? Nug eɗua iinab uɗima. Nug baula nuhig wan ii anidma.

Gayak Nai 3:15

Danab keh mua ele la, oo dittie, ena iinab dootte amu, Yawe he, da anam bia doottem. Ao, danab nug uud ad tiig mua ele lana, eheɗnab dootte amu, Yawe he, da anam bia doottem.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Ikki Danab 21:2

Anam amu, Israel danab ag ahan, Betel tena, ag Kayak noobppa daaeg ukke, tueb meum. Ag daanna, ag baalag okkaippa eheɗ gaappig.

Rut 1:20

Aeg amu, Naomi nug aum. “Dahilnu ag Naomi aib appig. Laa Nukka Ɠagattag Oh Ele Nug he, da uug naunab doottem amunu, dahilnu ag Mara aon aig!

1 Samuel 1:11

Hana nug unuqittatta, nug Yawe amegppa genabnab hekkunu nai anan qakka, inam aum. “O Yawe Nakka Ɠagattag Oh Ele, na nahip maɗi ah, da, na dahilnu dabmenana, da uug nau ele doottem amu, na amu ele dabmenana, na dahilnu daut ii atikku dayeb, na nid danab meɗappe amu, O Yawe, da nid amu, nug haen oh nahip daakkunu, da na medappi, danab laa nug nid amu ikki uɗug iinab otaɗma,” awa aum.

1 Samuel 1:9

Kobol amu oh am hanhan bettom, amge haen laa ag oh gona, Silo daanna, ag ee, le ele lana malaeg, Eli, nug am mana mettak danab dayom amu, nug Yawenu mettid haknu peh lag od ukku guguittak dayaknu balalppa dayeye, Hana nug unuqidkkunu aha,