1 Pita 5:8 - Nobonob Baibel

⁸ Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

1 Pita 5:8 ပူးပေါင်းရင်းမြစ်များ

Esta 7:6

King nug anam oɗ mette, Esta nob ma aum. “Ihinig kekeɗ, laa nug anam hekkunu hette am, danab nuhig kobol uɗig wak ele, am Haman iikku, nug hette,” awa aum. Esta anam a amu, Haman nug king, kuin ele noolahppa baɗak eheɗ nau ele dayom.

Job 2:2

Ag oh gona daaegeg, Yawe Nug Satan oɗ mettom. “Na adeppan uɗime,” awa oɗ mettom. Nug anam oɗ mette, am Satan nug nob ma aum. “Iitta. Da wan qaɗe ohppa ukken oiyeye, eɗue doinne hein, aakku uɗimi,” awa aum.

Sam 104:21

Laion bau ag ee aoglagnu oinna, ag doɗ laa qekkulagnu gukkuidna wanana, ag gaatteb. Ao, ag Kayak ehanatteb, ahilkad ee aoglagnu oitteb.

Sam 109:6

⌊Da nai imu kekeɗ dahil tonadkkunu Yawe amegppa ami.⌋ “Na nau hak danab otippe, nug kekeɗ dahil epeɗidkkunu oɗ medattem. Ao, na uuidppe, naippa yaaittak danab laa nug hettoɗiakppa mekkunu unuqidttem.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Prowerb 20:2

Kingnu oppoɗi bak amu laion baunu gayak bia; aun nug kingnu oo nauhak heeb bekku amu, nug mauhkku.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Aisaia 50:8

Yawe, Nug da eheɗ laa ii hemi danab ah oh ippunadtte amu, Nug da gukkuiɗa daatte amunu, laa nug da eheɗ hemi dahilnu akkunu elelete? Laa nug anam dahilnu anam akku dayeb amu, i hettoɗiakppa goɗa, bappaidɗu! Ao, nug nai amuppa da yaaiɗkku dayeb amu, i hettoɗiakppa elele mettagnih.

Jeremaia 2:15

Am genab, kekeɗ ag laion gaatte bia hena heeg, ag eheɗ aoppig. Ao, kekeɗ ag laion bau nug liɗimtte bia hena heeg, ag eheɗ daappig. Kekeɗ ag heeg, ag Israel, ag ahilag wan am nauhaknab awom. Ao, kekeɗ ag ahilag aab amoteg ewe, appa danab ah ii daatteb.

Jeremaia 51:38

Babilon danab ah ag laion bau doɗ laa qekkunu gaatte, ag amubia hetteb. Ag laion nag ee aokkun liɗimtte, ag amubia hetteb.

Esekiel 19:7

Nug danab dilag ban haknu aben ɠagattag ele he nauhatte, aab ahilag ele he nauhadppig. Nug anam he, wan amu, danab ah appa daappig ele, ag oh nauhakib daappig. Anam daye, danab ah ag laion amu nuhig gayaknu baɗak eheɗ nau dooppig.

Esekiel 22:25

Amu laion laa nug gaya, doɗ laa qa latte, amubia Israel dilag anuqak danab ag dabmak laippu mena, ag danab ah heeg nauheg, ag danab ah dilag en keeke, keeke awaknu men doɗo okkai ele, ag keeke amu oh yab aona, ag danab kuɗum ele aqaeg, waalkad ag ah qab daatteb.

Daniel 6:24

Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.

Hosea 11:10

Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.

Hosea 13:8

Da geha bea, laa nug nag aɗidna aon ukkaeg hette bia; da banelag ukken, ban hein, kattiɗadkkul. O iitta, da laion laa enug qe, ee awa laum bia, da ahilagppa anam hekkul. Ge, doɗ dakkuɗ nug laiyag kattiɗe huppu naunau netteb, amubia da ahilagppa hekkul.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

Amos 1:2

Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.

Amos 3:4

Laion nug doɗ laa qa lakkunu oiyaya, nug doɗ laa ad qataiettak daattebppa ii antta dayaya, gayak okkai hettete? Iitta! Laion bau nug ele appidppa doɗ laa lakkunu ii qa dayaya, nug liɗimttete? Iitta!

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Sekaraia 3:1

Amu dimppa amu, engel nug mana mettak ikki danab Josua, nug Yawenu engel noobppa hibaitta daye ippuniɗom. Satan nug ele appa engel eppeg naɗiap-ppa dayaya, nai digdig kuɗum mattiaya, Josua yaaya mattiom.

Matyu 13:39

Amu kekeɗ gikkiɗah nau haɗag dad okkaippa tauɗom ele amu Satan. Aria, ee meu awak haen, amuam gog tak haen. Ee awak maɗi nid am Kayaknu engel.

Matyu 24:42

Amunu ag Danab Bekkalag da, da eɗuen nekkulnu dabmenan dayeg! Aɗinu? Deɗ adekkuppa ahilag Naɗi uɗikku amu, ag ii dootteb.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Matyu 4:1

Haen amuppa Kayak Ouɗi Nug Jesus omala, atu taɗakppa, amuppa Satan nug Jesus eheɗ hekkunu oo eeɗkkunu, nug appa ukkom.

Matyu 4:11

Jesus Nug anam a amu, Satan Jesus uuittom. Uuitte, amu engel ag nena, Jesus ehanidppig.

Mak 4:15

Ee aeg laala ibppa nena qeppig ele amu, nai amu inam ippunigtte. Danab laala ag nai dootteb, amge Satan nug paha uɗia he, Kayak nai ag oolagppa dayom iitta mette.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Luk 22:31

Jesus Nug nai amu mattiowa Nug Saimon onig diia, baula aum. “Saimon, Saimon, na doye! Satan nug matu ag ahilag ooppa genab doyak am ɠagattag o ɠagattag iitta anttaknu, uug madakkunu Kayak oɗ mettom,

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Epesus 4:27

Ag Satan aib ib ooɗna medappig.

Epesus 6:11

Ban haknu bala oh, Kayak nug ag Satan eɗidkkulagnu mattom ele amu, ag takkeg!

1 Timoti 2:15

Amge nug ⌊ah laa oh ele⌋ ag oolagppa genab doon, oo mauhak kobol dim lamidna, oppiaawak daanna, ag akka ag oiyak pehettak atognoak kobol ele hetteb dayeb, ag nid laa menuakppa padal memanu ehanittak aoglag.

1 Timoti 2:9

Amubia ah ag tutukku dabmena, lamen eleleppaib takkana, ag ikkilag uɗug kobolnab eleppa ii takkamnanu, ag bala digdig golppa hak o men perlppa hak o iitta lamen laa daden nob naɗinab ele amu, ag ii memananu ool daatte.

1 Timoti 3:11

Amu ag waalkad ele ag ah danab laa ag ahilagnu ena elele dooglagnu elele daanna, ag baeg qak nai ele aib madippig. Ag tutukku oinna, amu ag hambuppuak kobol laa ele ii hemana.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Taitus 1:8

Nug amu ii hema. Iitta! Nug ɗo danab aab laappanu uɗippeg amu ehanattaɗ! Nug kobol ena ohnu oo mauhaɗ! Nug nukka nug nuhig oiyak pehettak atognoaɗ! Nug tutukku, oppiaawak ele dayaɗ! Nug nukka beɗu atognoa hagakka awak ele oiyaɗ!

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!

Taitus 2:4

ag ah bau ag gamulkad amu ahilkad nid naunau ele dilagnu oo mauhak dooglagnu ippuanadkkulagnu,

Taitus 2:6

Amubia na danab bau ag ele akka ag ahilag oiyak pehettak atognoak kobolppa oiglagnu appe doyeg!

Jems 4:7

Anam amunu, ag Kayak waappa dayeg! Ag Satan nug aɗi eheɗ hekkulagnu hette, ag ii hemananu ag ɠagattag hippaidna daappeg, nug ag uuatta, oola gokku.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

Revelesen 12:10

Buɗiatteg noeg amu, da hab aab appa baag oqotti okkai laa inam aawo doomi. “Gemu ihinig Kayak Nug he, nuhig Padal ii maknu ehanittak kobol, nuhig ɠagattag, nuhig ɗo maɗoɗ, amu laa Nug tituanom, am Kristus, Nug okkai daakkunu ehah ele miag atieg ippunikkom. Aɗinu? Laa nug ig lainkad amun tuqan ele Kayak noobppa hettoɗiakppa maadttom ele amu, hab daup ag aakku nug maoeg wanppa noum.

Revelesen 12:12

Amunu hab, amu hab aab ele, amu ag laa aguppa daatteb ele, ag maɗoɗppan gamag ahak doyeg! Amge wan amu yu ele ahilahnu gadonnab gadon! Aɗinu? Mat naɗinab onig Satan, nug aakku ahilagppa noum. Nug oppoɗi bak huana ele. Aɗinu? Nug dootte, nuhig haen am tutu,” awa aum.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 20:10

Amu ouɗi nau danab amu buppualattom ele, amuam Satan, ag nug aab ameg kalu laa huana eotte onig salpa eotteppa buɗieg, propet hambuppuak, doɗ dakkuɗ ele daattep-ppa noum. Ag hanhannab tuqan amun ele guittak nau doonna daaglag.

Revelesen 20:2

Nug mat naɗi anukkanunab aɗom. Nug am baeg qak danab, onig laa am Satan. Nug nug aɗa, maɗ 1,000 daakkunu hippalom.

Ikki Danab 14:5

Aakku, Samson nug anam aum amunu, nug, mameg anig ele ag Timna nonana, ⌊Samson nug aa ele oh ii goppig, nukka piɗe ugekke,⌋ laion bau laa Timna dilag grep dad guguittak appa, baneb doa, gayaya uɗiom.