1 Pita 5:7 - Nobonob Baibel

⁷ Kayak ag gumatta atognoadtte amunu, ag uug ahilag oh amu Nug eppegppa meig!

1 Pita 5:7 ပူးပေါင်းရင်းမြစ်များ

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Sam 37:5

Na wanppa bau daan oikkutnu keeke oh Yawe ulum medakkunu Nug eppegppa mee! Na nuhignu ootppa genab dooppe, Nug na ehanittatta, inam hekku.

Sam 40:17

Amge da am daɗek, keekenu tutu mak daattem; Naɗi Nug da dabmeɗakkunu ool daatte. O Kayak dahil, naib dahil ehanittak daattem. Naib na ehaniɗe da qagaiettakppa ii daattem; na da ehaniɗppe padal ii mepanu haen elab ameg mak ii daapanu unuqidttem.

Sam 55:22

⌊Na aun,⌋ na nahip uug Yawe medappe, Nug na atognoidkku. Nug am genab tutukku hak danab uuatteb, nena ii qemana.

Prowerb 16:3

Na aɗi keeke hekkutnu ⌊dabmettem⌋ amu, na keeke amunu hak Yawe eppegppa me; ⌊na amu hekkut dayeb amu,⌋ Nug heeb, amu haknu maittak nahip am ena beeb, maittak amuam meu okku.

Matyu 6:27

Amu ag oolagppa aun nug wanppa dayaknu dabmak qeeqe, haen nuhig baula ele tuɗidtte? Elele iittanab.

Matyu 6:28

Am ag aɗinu lamennu dabmak aqadtte? Ag atuppan bala lili haɗag bena daatteb, ag amu anatteg! Ag uɗat ii hetteb, lamen ele ii hetteb,

Matyu 6:31

Anam amunu, ag aib dabmak aqebeb, ‘Ig ee elete daagnig?’ o ‘Ig le elete daagnig?’ o ‘Ig lamen elete daagnig?’ appig. Iitta!

Mak 4:38

Le anam heehe amu, Jesus Nug uub bitobppa uɗunppa niieye, nuhikkud ippunittak awak danab ag Nug maɗettan appig. “Ippunikkak ihinig, ig mauhkkunignu hettem amu, na amunu iite dabmettem?” aon appig.

Luk 12:22

Aria, Jesus Nug nuhikkud ippunittak awak danab amelagppa aum. “Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig.

Luk 12:26

Ag keeke nakok laa anam hekkulagnu elele iitta amu, aria aɗinu ag keeke laanu dabmak huana qette?

Jon 10:13

Danab amu nug am uɗat nid amunu, nug ooltte. Nug sipsip pehettak dab-ii-madatte.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.