1 Pita 5:5 - Nobonob Baibel

⁵ Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 5:5 ပူးပေါင်းရင်းမြစ်များ

2 Stori 6:41

Amu O Yawe Kayak, na ahan, lag bau nahip imuppa uɗin daakkutnu oɗ medattem; na amu nahip Tituanak Nainu Kunup, kunup amuam nahip ɠagattag okkainab ippunigtte amu, na kunup amu ele aguppa daakkut. O Yawe Kayak, na mana mettak danab ehanadppeppe, ag na danab ah ehanatte ag padal ii metteb danab ah amelagppa appeg dooglagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb amu, ag gamag ahak dooglagnu unuqidttem.

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

Job 29:14

Da genab tutukku hak kobol amu, da lamen bia amu takkami. Ao, nai doya mala hettoɗia epeɗia elele mettak kobol am dahil lamen elab, da ikkilppan lamen ele bia dayom.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Sam 132:9

O Yawe, na mana mettak danab ehanadppeppe, ag kobol genab tutukkuib hekkulagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb ele, ag gamag ahak doon, ahi ettaglagnu unuqidttem.” Ig anam amut.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Prowerb 25:7

Aɗinu? King nug nukka na amenppa, “Lai, na gukkuiɗna uɗippe, da ele daagnih,” akku, amuam ena; amge king nug anuqak danab laa noobppa na onin qeeb neeb, na uɗan nekku, amuam ena iitta.

Prowerb 3:34

Danab ag dada kobol dim lamidna, Kayak aon aon qedatteb ele amu, Nug imadtte, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Esekiel 26:16

Amu wan amuppan danab okkai ag Tairnu nai doon, haen amuppa ag sia king ahilagppanu ahan, honap nena, ag lamen enanag uɗona, ag lamen elab kobol kobol koitak ele tagatteb ele uɗaglag. Ag baɗak eheɗ nau doon, ag wanppa daanna, ag Tairnu danab ah dilag aab na qeumnu dabmak huanaknab aonna, ottaikkulag.

Daniel 11:12

Ag nug eppegppa anam daappeg, wan yau uɗitteppanu king nug dada danab ba dayaya heeb, ⌊nuhikkud daup ag⌋ danab tausen gane aqaglag, amge nug ele na qekku.

Lewitikas 19:32

Kaino laa gumitta dob amu, na hibaitte! Aun nug tatamnu daatte, na nuhignu ena elele doye! Ag ahilag Kayaknu ag ebehilag oh bodoetta le maɗ! Da am Yawe.

Luk 22:26

Iitta aɗi dilagppa am anam daatte, amge ag dahilad daatteb amu, ag am anam iitta. Ag oolagppa danab aun nug okkai daatte, nug danab dimnab daatte bia dayaɗ! Aun nug ikki daatte amu, nug ahilag maɗi nid dayaɗ!” awa aum.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

1 Timoti 5:1

Na danab kaino aib aidme. Iitta. Na mamen dabmak maɗettaknu nai bodoettak mattiak biappa appe doyaɗ! Nid bau amu na amapad dilag doottem amubia ehanatte!

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Pita 4:1

Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

1 Pita 4:5

Amge dimppa ag akka Kayak amegppa ag kobol hetteb amunu miag atinna akkulag. Nug am epeɗiak danab anuqak, amu Nug danab bau daatteb, amu mauhppig ele oh kobol anen anen heppig amuppa epeɗiadkkunu babaittom daatte.