1 Pita 5:2 - Nobonob Baibel

² Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

1 Pita 5:2 ပူးပေါင်းရင်းမြစ်များ

2 King 12:6

Joas nug ag amelagppa anam aum, amge maɗ laala dimppa, nug king dayaya, nuhig king dayaknu maɗ 23ppa amu, King Joas nug mana mettak danab ag Yawenu mettid lagnu keeke laala nauhppig amu, ag ii bappaidppig anttom.

Solomonnu Ahi 1:8

O ah dahil, na am ah enanag, iɗun tuqaknab ele, ah laa oh eɗattak. Amu na da adeppa daakkulnu ii doottem dayeb amu, na sipsip dahilad baelag mattan gona, sipsip gumak danab ag ahilkad peh lag daattebppa tena, na meeme nakkud nahip appa gikkiɗah lakkulagnu atognoatte!

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Aisaia 6:8

Aakku Naɗi Nug inam oɗmak heehe baag doomi. Nug inam aum. “Am da aun geha meppi gokku? Am aun nug geha ihinig nai awa gokku?” awa aum. Awa a amu, da ami. “Da iikku; na appe, da gokkul,” ami.

Aisaia 63:11

Nug anam he, nuhikkud danab ah ag anukka Yawe Nug ag ehanattomnu dabmeppig. Ag Mosesnu haenppa Nug kobol digdig ehanadkkunu heum amu, amuam ag daulagppa doum. Ag amu dabmena, akka akka nug oɗ medappig. “Laa Nug yu gamagppa ib he, ig memetankad aɗi, ahilag okkai Moses ele, ag ib amuppa laih ena goppig amu, Nug gemu adeppa daatte? Laa Nug nuhig Ouɗi Oppiaawak Ele ag oolagppa meum amu, Nug gemu adeppa daatte?

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 13:20

Amu ag Juda danab okkai, Jerusalem daatteb, ag amelag human, neegppeg ukkeb, aun aɗi yawalti uɗitteppanu uɗitteb anatteg! Ag danab okkai, ag sipsip gumak danab sipsip nuhig gumadtte bia ag Juda danab ah gumadkkulagnu tituanak daatteb, amge ag Juda dilag okkai, ag ahilkad danab ah gemu adeppa daatteb? Ao, ag akka ag dada nai mattinna, “Ihinkad danab ah am kuɗumnab, ɠagattag ele,” appig, amge gemu danab ah amu ag adeppa daatteb?

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Jeremaia 8:10

Ag dahil nai geɗidna, ii dim lamidtteb amunu, da heppi, kekeɗ ag uɗin eɗadna, danab laa ag ahilag wan, ah ele diippeg, ahilkad daaglag. Aɗinu da anam hekkul? Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Ao, propet danab, mana mettak danab ele ag hambuppuak kobol dim lamidtteb.

Esekiel 34:23

amu da geha king laippu laa, dahil maɗi nid Dawit, ag madappi, nug ag atognoadkku. Nug geha sipsip gumak danab laa, nug nuhikkud sipsip gumadtte, amubia ag gumadkku.

Esekiel 34:31

Amu Yawe Nug atte. “Ag Israel, ag am dahilad sipsip. Ag dahil gikkiɗah dadppa daatteb. Ag dahilad danab ah daatteb, da ahilag Kayak daattem.” Naɗi Yawe Nug anam aakku atte.

Esekiel 46:24

Danab amu nug ippuniɗa, nug da amelppa aum. “Danab ag Yawenu mettid lag, amuppa nuhig ɗo maɗoɗnu uɗat hetteb ele amu, ag ee hak aben imu ohppa danab ah ag doɗ main Kayak mettaglag, ag iguppa ee amu maiglag, o battiglag,” awa aum.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Maika 5:4

Amu laa Israel gumadkku Nug hibaitta, nuhikkud danab ah, sipsip gumak danab sipsip nuhikkud gumadtte, amubia nuhikkud danab ah gumadkku. Nug Yawenu ɠagattagppa nuhikkud danab ah gumadkku. Ao, Yawe, Nug dagom onig ɠagattag okkai ele, Nug am laa Israel gumadkkunu Kayak; amu laa Israel gumadkku amu, Nug Yawe onigppa nuhikkud danab ah gumadkku. Nug ag gumadkku amunu, ag ena, baɗak iitta eleppa daaglag. Aɗinu? Haen amuppa Nug onig, ɠagattag elenu nai am aha ukkeb, wan ohppa gokku.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Namba 18:7

Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Aposel 20:29

Amu da doottem, da ag uuatten goppi, dimppa hambuppuak ippunittak danab, ag wulp bia, geha ag tamaniak oolagppa bena heppeg nauhkkulagnu hekkulag.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Rom 1:15

amunu, da ag Rom appa daatteb ele ahilagppa Nai Ena mehuqkkulnu ool okkai daatte.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

1 Timoti 3:8

Aria, Kayaknu tamaniaknu toliak danab ag danab laa ag ahilagnu ena elele dooglagnu elele daan, ag danab oɗelag aɗit ele ii daamna. Ag wain huana ele ii lamana, amu ag danab enulag hamu yabhok ele ii aomna.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Taitus 3:1

Na danab ah ag ahilkad ikki danab, amu ahilkad danab gumaknu ehah ele waalkadppa daaglagnu daulkadppa dokkunu, ag oɗe dim lamittak danab daan oina, ag aɗi uɗat amu uɗat ena hekkulagnu babaittak daaglagnu,

Pilemon 1:14

Amge na aɗi ehanittak hekkut amu, na oot niitte amu hekkut, na duttunak doon hekkutnu iitta, kobol anam daakkunu amu, da na keeke laanu, “Yo,” ii ame amu, da amu hekkulnu ool ii dayom.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.