1 Pita 4:7 - Nobonob Baibel

⁷ Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Pita 4:7 ပူးပေါင်းရင်းမြစ်များ

Genesis 19:35

Nug anam a amu, dimppa tueb me, aa mamelah wain mettaeh, nuhig dabmak oh eɗitta ukke, aɗeg gehanu nug ele niipiɗ. Amge Lot nug haen amuppa ele kobol amu ohnu dabmak eɗitta ukkom.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Eklisiastis 7:2

Danab nug lag laappa, appa ag laa mauhomnu mahiak hetteb, amuppa gokku am ena; nug lag laappa, appa ag hobul henan daatteb, nug amuppa gokku am nakok enatai, amge enanag iitta. Aɗinu? Ig danab oh ig mauhkkunig; amu danab nug bau dayaya, nug amu dabmaɗ!

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Esekiel 7:6

Ahilag haen gog tak aakku uɗiom! Ge, ahilag haen gog tak aakku uɗiom! Haen nau amu aakku ahom, ahilagppa bekkun daatte. Genab, ahilagnu gog tak haen aakku uɗiom!

Matyu 24:42

Amunu ag Danab Bekkalag da, da eɗuen nekkulnu dabmenan dayeg! Aɗinu? Deɗ adekkuppa ahilag Naɗi uɗikku amu, ag ii dootteb.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Luk 22:46

Anatta Nug amelagppa aum. “Ag aɗinu niitteb? Satan ag eeɗatteb eheɗppa gomananu amu, ag ahan unuqitteg!” awa aum.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

1 Korint 15:24

Aria, amu dimppa Kristus Nug gabman uɗat, ikki dayak uɗat, amu ɠagattag digdig ele amu oh heeb, iitta meppeg, Nug ɗo maɗoɗ amu Kayak, ig Mamenig, Nug eppegppa meeb dayeb, haen aakku gogppa tekku.

1 Korint 7:29

Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

Pilipai 4:5

Naɗi uɗikkunu haen aakku malom daatte amunu, ag heppeg, danab oh ag ahilagnu, ag am oolag bodoette wagai ii mak danab daatteb doyatteg!

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Hibru 10:25

Amu ig laala ag hetteb amubia ig Kristen lainkad ele qagmak laippu haknu kobol ii uumta. Iitta. Ig qagmetata, lainkad oolag ɠagattag aqatu! Ig Kristusnu deɗ miag doum daatte anidttem amunu, ig uɗat amu tuɗidta huana hetu!

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.