1 Pita 4:6 - Nobonob Baibel

⁶ Danab laa mauhppig amu, tatam ag danab oh bia beɗulkadnu epeɗiak aon mauhkkulag, amge geha ag ouɗilkad Kayak ⌊oo niitte bia⌋ nuhig Ouɗippa ag bauklel daaglagnu, laa ag Nai Ena ag amelagppa mattieg dooppig.

1 Pita 4:6 ပူးပေါင်းရင်းမြစ်များ

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Galesia 2:19

Ɗo nug da iwe mauhmi, nug gemu da ii hippaliɗtte; diig amunu amu, da Kayak waappaib daakkulnu daattem.

Galesia 5:25

Kayak Ouɗi, laa iitta, Nug ig bau megatte, diig amunu ig Nug waappa ele daatu!

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

1 Pita 3:19

Amu Kayak Ouɗi nuhigppa Nug ukka, ouɗi maniguittakppa daappig amu, Nug ag amelagppa nai mehuqom.

Revelesen 14:18

Aɗeɗe amu engel laa ele nug qaɗabppanu aha doum. Engel amuam qaɗabnu aab aɗu guma atognotte ele. Nug engel qep aeg ele aɗom amegppa ewa aum. “Grep meu oɗun malappig amunu, na qep aeg ele nahip amu aon gona, wanppanu grep meu aɗa auta awak oh okkuladna qagme!” awa aum.