1 Pita 4:11 - Nobonob Baibel

¹¹ Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

1 Pita 4:11 ပူးပေါင်းရင်းမြစ်များ

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!

Aposel 7:38

Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

1 Korint 12:4

Kayak Ouɗi Nug nuhig ɗo hamu mettak megatte, amge Kayak Ouɗi am laippu, Nug aakkuib ɗo hamu mettak amu megatte.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

Hibru 5:12

Ag ippunittak danab bena daaglagnu haen elelenab dayom amge iitta, ag doyak ahilag qakub amunu, laa nug ag Kayak nainu diig eɗua ippuanatteb aoglagnu daatteb. Ag am ee ɠagattag lakkulagnu elele iitta, ag huhib lanana daaglagnu elele.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Korint 3:10

⌊Lag hak danab nug lag hekkunu dayeb amu, nug tatam lag ukku hette. Lag ukku amu danab ag lag amu qaɗeppa heppeg, ena daakku. Lag ukku am lag diig. Tamaniak diig am tamaniak ukku⌋ Aria Kayak ehaniɗe, lag hak danab nug lag ukku ena tutukkuib aɗatte, amubia da tamaniak tutukku enaib daakkunu, nuhig ukku daakkunu, ag amelagppa Jesusnu nai mehuqmi. Gemu laala ag danab laa uɗin lag ukku qaɗeppa lag hetteb, amubia da nai mattimi, nai amuppa ag uɗat tuɗidna hetteb. Amge laala, ag anam hetteb ele amu, ag dabmenan heig! Ag mauhnoak aib heppig.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

1 Pita 5:11

Ɠagattag oh nuhigppa hanhan alet ele dayaɗ! Genab.

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Epesus 5:20

Ag haen oh ihinig Naɗi Jesus Kristus onigppa keeke ohnu Kayak Mamenig amegppa, “Ena heme,” aon aig!

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

Rom 11:36

Iittanab! Nug nukka aakkuib keeke oh diig daatte. Nug nukka aakkuib keeke ohnu Mamelag daatte. Keeke oh am nuhignuib daatteb. Binag amahlak oppiaawak ele hanhan nuhignu dayaɗ! Genab.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Daniel 4:3

Nug uɗat naɗi, Nug heumnu at daatte, Nug amu hette. Ao, Nug uɗat ɠagattagnab ele hette. Nuhig ɗo maɗoɗ am hanhan alet daatte. Ao, nuhig gumak am menuattak huu laippu bia, ahilagppa daye ukke, laa beeg, ahilagppa ele daatte.

Jeremaia 23:22

Ag amu heppig, amge ag da noolppa daanna, dahil nai doolob, ag dahil nai danab ah dahilad amelagppa mattilob. Ag anam helob, ag heppeg, danab ah ag eheɗ hemananu ag oolag eɗueb ii helob, amge iitta,” awa atte.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

2 Korint 9:13

Ag layag ehanittaknu uɗat imu hekkulag amu, geha ahilag kobol amu heeb, ag am genab Kayaknu danab daatteb am miag atiak bekkulag. Am geha ig lainkad ag ag Korint danab, ag Kristusnu Nai Ena dim lamidttebnu atteb amu, ag genab anam hetteb anidna, ag Kayak binag mekkulag. Aria, geha ag ahilag ehanittak okkai ag madappig doonna amu, danab ag amuppa geha ag oh amu Kayak onig humaglag.

Rom 16:27

Kayak, Nug nukka doyak dabmak ena ele, Nug Jesus Kristus nuhig uɗatppa hanhan binag amahlak oppiaawak ele awaɗ! Genab.

Jon 13:31

Judas dimittim ukke amu Jesus Nug aum. “Danab Bekkalag da, da aakku gemu binal amahlak oppiaawak ele aokkulnu haen beum, dahilppa Kayak ele binag amahlak oppiaawak aokkunu haen beum.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

Epesus 1:19

Amu ele, da ag nuhig ɠagattag okkainab, batak iitta ele, ɠagattag amu ig ooppa genab doyak ele, ihinigppa niitte, ɠagattag amu ihinigppa uɗat hette ele amu, ag ɠagattag amu ele dooglagnu unuqidttem. Ɠagattag amuam Kayak Nug nuhig ɠagattagppa he, Jesus eɗua hibaittom, amu aakkuib.

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.

Taitus 2:1

Nahipnu amu, na danab ah oh amelagppa ippunittak nai genab ena aɗi ippunigtte amu, na amu ippunadna appe doyeg!

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 4:16

Amge danab nug Kayak baegppa dayaya, amuppa nug guittak aotte dayeb amu, nug uɗa aib neum. Iitta. Nug onig Kayak baegppan danab daatte amunu, nug Kayak binag maɗ!