1 Pita 4:10 - Nobonob Baibel

¹⁰ Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!

1 Pita 4:10 ပူးပေါင်းရင်းမြစ်များ

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Matyu 24:14

Amu danab ah oh dooglagnu ag Kayaknu ɗo maɗoɗnu Nai Ena wan atu ohppa mehuqppeg, danab ah dooppeg, geha haen amuppa gog tak haen bekku.

Matyu 24:21

Aɗinu? Haen amuppa amu, uug naunab bekku. Uug naunab amubia nug digmak haenppa uɗiak gemu ele laa ii beum, dimppa ele amubia ii daama.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

Matyu 25:44

Da anam appi amu, ag akkulag. ‘Naɗi, na ganeb enug daame, o na le baat diiom, o na aab diig danab iitta daame, o na lamen iitta daame, o na oɗe daame, o iitta na maniguittakppa daame amu, ig na anidta ii ehanidmut?’ aon akkulag.

Mak 10:45

Ag anam hekkulagnu diig amu Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta! Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Luk 19:13

Nug anam dabmaama, aria nug nuhikkud maɗi nid eblaih tanig ele onilagppa ewowa, nug men doɗo onig mina laippu anen anen pania madatta amelagppa aum. ‘Ag imu tuɗidna, qagmebeppeg, da eɗue uɗippi meɗappeg aokkul,’ awa aum.

Luk 8:3

Laa Joana, nug amu Herot laug gumappig ele dilag okkai onig Susa, nug wau. Aria, laa am Susana, am kuɗum laa ele. Ah amu ag ahilag keekeppa Jesus, amu nuhikkud ippunittak awak danab ele ehanadppig.

Rom 15:25

Amge geha iikku amu, da Kayaknu danab ah oppiaawak ele Jerusalem daatteb amu, da ag ehanadkkulnu gottem.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 3:10

⌊Lag hak danab nug lag hekkunu dayeb amu, nug tatam lag ukku hette. Lag ukku amu danab ag lag amu qaɗeppa heppeg, ena daakku. Lag ukku am lag diig. Tamaniak diig am tamaniak ukku⌋ Aria Kayak ehaniɗe, lag hak danab nug lag ukku ena tutukkuib aɗatte, amubia da tamaniak tutukku enaib daakkunu, nuhig ukku daakkunu, ag amelagppa Jesusnu nai mehuqmi. Gemu laala ag danab laa uɗin lag ukku qaɗeppa lag hetteb, amubia da nai mattimi, nai amuppa ag uɗat tuɗidna hetteb. Amge laala, ag anam hetteb ele amu, ag dabmenan heig! Ag mauhnoak aib heppig.

1 Korint 4:7

Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

2 Korint 9:1

Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Epesus 4:11

Nugib ehah iɗu iɗu matta, danab laa ag totol danab dilag uɗat hekkulagnu mattom. Laa ag propet daaglagnu mattom. Laa ag nai mehuqak danab daaglagnu mattom. Laa ag pasto am laa ag ippuanittak uɗat hekkulagnu mattom.

2 Timoti 1:18

amunu, da keeke amu ohnu amu da gogtak haenppa, Naɗi Nug nuhignu oo gai-iitta doya oo metta ehanidkkunu unuqidttem. Nug Epesus appa keeke kuɗumppa ehaniɗom ele amu, na amu doon malame.

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!