1 Pita 3:9 - Nobonob Baibel

⁹ Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

1 Pita 3:9 ပူးပေါင်းရင်းမြစ်များ

Genesis 42:25

Hippaleg amu, Josep nug maɗi nid nuhikkud ag Josep awakkud ag ahilag bek ohppa ee aeg inadna, silwa men doɗo, ee aeg dadennu, amu ele eɗun bekppa inadna, ibppanu ee ele bappaidkkulagnu aum. Nug anam aum amunu, ag anam heeg,

Prowerb 17:13

Danab laa nug layagnu ena hekku, layag nug eɗua, ena hak amunu kobol eheɗ laa hekku dayeb; laa eheɗ heum amu, nug, nug baekkudppa ele, ag hanhan eheɗ aqadkku.

Prowerb 20:22

Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

Prowerb 28:10

Laa nug genab tutukku hak danab ah, ag eheɗ hekkulagnu eeɗadtte ele, nug nuhig pelemppa tekku; amge Kayak Nug danab ag nuhig neekkakppa danab oolagppa kaliak laa iitta ele daatteb amu, Nug ag aug ena madakku.

Matyu 19:29

Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 5:39

Amge da ag amelagppa attem. Eheɗ hak danab aun nug ahilagppa eheɗ anam bia heeb, ag nuhigppa nob aib meppig. Am inam bia. Danab nug na hippen laih mataɗeb, na nob nau aib eɗun mettame. Iitta. Na hippen laih ele eɗun mette!

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Mak 10:17

Jesus Nug anam ha mala amu Nug ibppa ugekke, danab laa nug qaiqaɗ Jesus gumitta ukka, Jesus baegppa laippun gateg qaun o, nug aum. “Ippunittak danab ena, da attem heina da bauklel hanhannu aokkul?” awa aum.

Luk 10:25

Aria, deɗ laa ɗo mehuqak danab doyak okkainab ele laippu laa aha, nug Jesus eheɗ aab anidkkunu oɗ ma aum. “Ippunittak danab, da attem heina da bauklel hanhannu aokkul?” awa aum.

Luk 18:18

Aria, Juda dilag ikki laa nug Jesus inam oɗ mettom. “Ippunittak danab ena, da attem heina da bauklel hanhannu aokkul?” awa aum.

Rom 12:14

Danab laa ag ahilagppa eheɗ heppeg amu, ag itittak ena ag matteg! Ao, ag itittak ena mattana, ag aib amu dilag, ag eheɗ laa awaknu anak waappa daaglagnu appig.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Rom 8:30

Amu Nug danab anukka Nug Bekka bia daaglagnu maittak awom ele, Nug ag ele onilagppa eum. Nug danab onilagppa eum ele, Nug ahilagnu ele, “Genab tutukku hak danab,” awa aum. Nug danab laala, Nug ahilagnu, “Genab tutukku hak danab,” aum ele amu, Nug he, ag Nug Bekka bianab betteb.

Galesia 3:14

Kayak Nug Abraham itittak ena mettom amu, Nug itittak ena amu aakkuib Kristus Jesusnu uɗatppa, Nug iitta aɗi ele madakkunu, ig Kristen oh ig Nai Ena doout, oonigppa genab doottem, amuppa ig nuhig Ouɗi megakkun nai qakka aum amu, ig Nug aognignu, Kristus Jesus Nug ig ihinig hipuninnu qagaiettakppanu eɗua uhuqak ha mekkom.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Hibru 12:17

Aɗinu? Ag dootteb bia, dimppa Esau nug Aisak eppegppa itittak ena aokkunu heum, amge nug elele iitta dayom. Esau nug itittak ena aokkunu gayak huana heum, amge nug ib nakoknab laa ii anttom.

Hibru 6:14

Nug inam aum. “Da genabnab genab na itidkkul. Da itidppi, na buɗunad ag appatna, kuɗum daaglag,” awa aum.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

1 Samuel 26:11

amge Yawe Nug da danab Nug king daakkunu goɗen gokkaɗakppa tituanom amu, da nug qeppi mauhkkunu matu aibnab aib aum daatte. Anam daatte amunu, na ban, le nippud nuhig ele, ikki guguittak daattep amu, na keeke aɗit amu diiatppe, i eɗuɗ gokkunih!” awa aum.